Nakuhaan sang closed-circuit television camera footages ang pagkastigo sang mga tambay sa isa ka lalaki sa tunga sang dalan sa Purok Mahimulaton, Barangay Banago sa Bacolod City.
Ang nasambit nga lalaki, ang nagbaligya gali sang kinawatan nga motor.
Sa iya pagbalik agud kuntani nga manukot, siya ang ginpulihan sang mga tambay nga nagbulos-bulos tindak kag tapungol sa iya.
May isa ka persona nga nagtambag rason nga na-untat ang pagkastigo sa lalaki.
Ang lalaki, nagtinguha nga makabangon kag nagakiang-kiang palayo sa lugar. Wala naman ini nagpadulong sa police station agud nga magreklamo.
Base sa impormasyon sang pulis, nabal-an sang ginbaligyaan, nga kinawatan ang motor bangud nag-post ang tag-iya sa social media nga nadula ang iya motor kag ginabaligya ini sa Facebook Marketplace.
Ginkuha sang kapulisan ang motor nga naka-park sa higad sang dalan sa Brgy. Banago kag nauli sa tag-iya, apang ang lalaki nga ginkastigo, wala na ma-locate.
[sibwp_form id=1]