Balita Hiligaynon

Nagpanugyan si Bacolod City police director Col. Eugene Rebadomia sa tanan nga mga taxi drivers nga mangin alerto kag indi magkumpiyansa matapos ang nagluntad nga insidente sang salisi Martes sang gab-i.Suno kay Rebadomia, may nagsakay nga lalaki nga pasahero sa taxi sang 60-anyos nga biktima gikan sa isa ka hardware store pasado las 8:30 sang gab-i.Sang makalab-ot sila sa Capitol Lagoon, sila ang nagpundo sa atubang sang isa ka spa kag nag-ayo ang pasahero nga kun pwede kuhaon sang driver ang laptop sa sulod sang spa.Ginbilin sang taxi driver ang yabe samtang naga-andar ang taxi kag sa iya pagbalik, wala na ang salakyan.Miyerkules sang kaagahon, narekober ang taxi nga naga-andar pa kag ginbilin sang suspek sa Santa Catalina Street, Eroreco Subdivision sa Barangay Mandalagan. Wala ...

Patay ang duha ka mga persona kag isa naman ang pilason sang magbungguanay ang duha ka mga motorsiklo sa banwa sang Mabinay sa Negros Oriental.Nagbungguanay ang duha ka mga motorsiklo sa national highway sang Barangay Dahile, Mabinay, Negros Oriental sang Domingo.Sa inisyal nga report sang Mabinay PNP, isa ka katapo sang Philippine Coast Guard nga naka base sa Dumaguete City ang nagadala sang itom nga Yamaha XMAX nga motor ang nagabiyahe padulong sa Kabankalan sa Negros Occidental samtang ang isa naman ka motor nga Honda XRM ang naga biyahe sa opposite direction ang may karga nga duha ka persona.Paglab-ot sa lugar sang insidente, nagbungguanay ang duha ka motor nga nagresulta sa mga pilas sang sakay sa duha ka motor. Ginhingagaw sila dala sa ospital pero ang duha ka karga sang XRM an...

Isa ka lupok ang nabatian sang mga residente sa Sitio Kainggat, Barangay 1 sa San Carlos City, pasado las 10 Miyerkules sang aga.Matapos sini, ila nakita nga nagahigda kag duguon ang 25-anyos nga lalaki nga residente sang Barangay 1.Sa inisyal nga impormasyon sang PNP, may pilas sa ulo ang biktima. Siya ang gindala sa San Carlos City Hospital apang ginsaylo sa isa ka ospital sa Bacolod.Nakuha sa lugar ang isa ka bala sang .45 caliber kag duha ka mga basiyo sang bala.At large karon ang suspek.Gina usisa pa sang PNP kun ano ang motibo sa pagtiro sa biktima.*

Siudad sang Silay ang nagpatuman man sang 4 day work week scheme para maka kinot sa gamit sang enerhiya.Silay DRRM ang naga pahibalo man sa publiko nga ang DRRM nga salakyan indi anay maka accommodate sang non emergency transportation request.Ginsiling ni Mayor Joedith Gallego nga 7am tubtob 6pm, Lunes tubtob Hwebes ang operation sa mga talapan sang Silay City Government.Nalakip sa mga energy saving measures nila ang pag paiway sang mga face to face meetings, tigaylo digital na lamang ukon online.Ang Silay DRRM ang naga abiso nga ipaiway nila ang pag baton sang non-emergency transportation request. Ini dala sang shortage sa fuel supply gikan sa ila nga mga supplier kag fuel depot nga nag apekto sa operational fuel stocks nila suno sa DRRM.Na dungan pa diri ang repair sang pila ni...

Ginkumpirmar ni Bacolod City Mayor Greg Gasataya nga 151 ka mga gasoline stations ang nahamtang sa siudad, apang mga 100 pa ang wala naka renew sang ila business permits.Sa 151 ka mga gasolinahan, may 134 na nga nag-apply sa sa pag renew sang ila permits apang 51 pa lang ang tigayon na nga nabaton ang ila mga permit.Ginpasiguro man sang siudad nga hugot ang ila pag-monitor sa mga gasolinahan sa tunga sang padayon nga pagsaka sang presyo sang gatong.Nagdihon na ang siudad sang price monitoring team gikan sa City Mayor’s Office City Treasurer’s Office, City Legal Office, Business Permits and Licensing Office, kag Communications Office.Pagapangunahan sang Department of Energy ang pagpatuman sang insakto nga presyo sang gatong sa mga gasolinahan apang ang siudad kag ang kapulisan naman...

Gina paabot ang P5,000 nga fuel subsidy para sa mga public utility vehicle drivers. Ini base sa announcement sang Malacañang nga magasugod sa madason nga semana sa Metro Manila. Pagkatapos sini ang releasing naman sa mga rehiyon.Tuyo sini nga mapa hagan-hagan ang epekto sang pagsaka sang presyo sang langis dala sang nagapadayon nga konplikto sa Middle East.Ipaagi ini sa DSWD sa idalom sang AICS ukon ang Assistance to Individuals in Crisis Situation. Unahon ang mga tricycle drivers kag masunod ang jeepney operators kag drivers kag iban pa gid nga katapo sang transport sector.As of press time, suno kay Land Transportation Franchising ang Regulatory Board Negros Island Regional Director, Gerry Llena wala pa sang guidelines sila nga nabaton.Kaina sang aga nag bisita si Llena kay Provin...

Isa ka bangkay sang lalaki ang nasapwan nga sa Hacienda Otella Lacson, Brgy. Efigenio Lizares sa Talisay City, pasado las 6 sang aga sang Marso 10.Ginkilala ang biktima kay alyas Jayvee, 34-anyos, residente sang Brgy. Mansilingan sa Bacolod.Nakilal-an ang biktima paagi sa iya mga tattoo.Isa ka concerned citizen ang nakakita sa lawas sang biktima nga nagakaya kag may mga buno sa lawas.Ang biktima ang ginareklamo nga nagaprenda sang salakyan nga indi iya.Sa isa ka Facebook post, ginapangita sang isa ka persona ang biktima matapos siya naghulam sang kwarta kag ang iya gin-collateral ang salakyan nga indi iya.Gina usisa pa karon sang PNP kun bala may kaangtanan ini sa iya nga kamatayon.*

Ginpirmahan na ni Bacolod City Mayor Greg Gasataya sini nga hapon ang Executive Order number 015-2026 nga nagapatuman sang flexible work arrangements ukon 4-day work week schedule sa mga talatapan sang gobyerno sa siudad sumugod sa Lunes, Marso 16.Sandig sa amo nga mando sang alkalde, wala sang trabaho kada Byernes nga adlaw ukon Lunes tubtob Huwebes lamang mangin bukas ang mga talatapan sa siudad.Apang kinahanglan sa gihapon nga magdangat sa 40 hours ang duty sang mga empleyado kada semana. Sa baylo, las 8 sang aga tubtob las 7 sang gab-i na ang bag-o nga schedule sa sulod sang 4-day work week.Wala naman madala sa amo nga mandato ang mga talatapan nga nagadul-ong sang essential services kaangay sang City Health Office, City Engineer’s Office, Department of Social Services and Develo...

Hulaton na lang kun ano ang mangin resulta.Ini ang pahayag ni Bacolod City Mayor Greg Gasataya matapos siya nga makigsapol sa tag-iya sang Crystal Bridges Holding Corporation nga si Lucio Co nga amo na sa karon nag acquire sang PrimeWater.Sa ila paghinun-anon sang Domingo, naghambal man si Co sa iya nga handa sila mag-invest sa PrimeWater kag Bacolod City Water District agud masolusyonan ang madugay na nga problema sang siudad sa supply sang tubig.Siling sang alkalde, nagalaum siya nga mapatuman ini sang kompanya ni Co bangud indi na makahulat pa ang pumuluyo sang malawig pa nga tion agud masolusyonan ang problema sa ginakulang nga tubig, ilabi na nga nagahilapit ang tig-ilinit.Dugang pa sang alkalde, indi na maghilabot pa ang siudad sa agreement sang PrimeWater kag ni Co. Tuyo lam...

Siudad sang Bacolod ang nag pakig-angut sa Bacolod PNP nga buligan monitor kag bantay ang pag patuman sang oil price hike sang mga oil companies sa siudad. DTI padayon man ang monitoring sa presyo sang mga naga panguna nga balaklon.Ginsiling ni Bacolod Mayor Greg Gasataya nga magluwas sa monitoring nga gina patigayon sang siudad nga gina pangunahan sang City Treasurer’s Office kun sa diin ginapatigayon ang calibration sang mga gas stations, nag pangabay siya kay Col Eugene Rebadomia, BCPO Director, nga magbulig ang PNP sa pagbantay para malikawan ang pag pamentaha sa sitwasyon kag mapasiguro nga ang ginatugutan lamang nga kantidad nga isaka ang mapatuman.Samtang ginsiling naman ni Engr Lynna Joy Cardinal ang Provincial Director sang Department of Trade and Industry nga regular na nga d...