Balita Hiligaynon

30th Sinigayan Festival sang Sagay magasugod na sa Lunes. Yari ang report.

Nagpirma ang Negros Occidental, Bacolod City kag ang 31 ka mga banwa kag siudad sa probinsya sang Sisterhood Agreement sa San Juan City, Metro Manila.Ginpatigayon ang pagpirmahanay sang kasugtanan sa Provincial Capitol Social Hall Huwebes, Marso 12. Nagtambong sa seremonya ang mga alkalde kag bise alkalde.Suno kay San Juan City Mayor Francis Zamora, tinutuyo sang nasambit nga agreement nga ma share ang ‘best practices’ sa tagsa ka mga banwa kag siudad.Dugang pa ni Zamora, makahatag man ini sang kahigayonan sa tagsa ka mga LGU nga ma tib-ong ang tourism opportunities.Pinaagi sini mapakilala kag mapasundyag ang mga produkto sang probinsya sa mga pumuluyo sang San Juan.Sa bahin sang Negros Occidental, isa sa gina lantaw nila para diri amo ang mga produkto sang TLDC. Suno kay Governo...

Indi mag paidalom sa 4-day work week ang Commission on Elections. Ini natungod nga na set na ang timeline para sa Barangay kag SK Elections.Suno kay Provincial Election Supervisor, Ian Lee Ananoria, padayon tubtob sa Sabado ang mga voter’s registration.Indi na nila ma bag-o pa ang mga na set nga schedule bangud naka plastar na ang tanan para sa BSKE Elections sa November 2.Pero, sa gihapon naga patuman sila sang energy saving measures kaangay na lamang sa pag sunod sa abiso angut sa gamit sa airconditioning units kag mga appliances.Klaro ni Ananoria, magamay man lang gid ang konsumo nila sa kuryente labi na nga kalabanan sa ila nga staff ang yara sa field.Sa pihak nga bahin, naga paabot sila nga malabawan pa ang kadamuon sang mga registered voter’s subong kun ipaanggid sa nadugan...

Nadakpan sang kapulisan ang gin-alegar lider sang Ramos Drug Group sa ginpatigayon nga buy-bust operation sa Coroña Street, Barangay 4 sa banwa sang Hinigaran.Ginkilala ang subject kay alyas "Toy-toy", 34, residente sang nasambit nga barangay. Siya ang ginakabig nga Top 1 sa target list sang Philippine National Police kag Philippine Drug Enforcement Agency.Nakuha kay alyas "Toy-toy" ang 13 ka pakete sang ginasuspetsuhan shabu nga nagabalor P367,200.Suno sa report sang pulis, madugay na nila nga gina-monitor ang suspek, nga amo ang naga-supply sang droga sa pila ka mga barangay sa Hinigaran kag kaiping nga mga lugar.*

Patay ang senior citizen nga babaye samtang pilason ang iya upod matapos sila ang mabunggoan sang canter sa corner sang Araneta Avenue kag Alijis-Murcia Road, Barangay Singcang-Airport sa Bacolod City, pasado las 4 sang hapon kahapon, Marso 11, 2026.Gindala sang ambulansya sa Corazon Locsin Montelibano Memorial Regional Hospital si alyas "Teresita", 76-anyos, residente sang Brgy. Sum-ag sa Bacolod apang siya ang nagtaliwan.Ang iya upod nga si alyas "Gretel", 67-anyos, taga Brgy. Taculing sa Bacolod, ang nakaangkon sang mga pilas kag gindala sa Bacolod Adventist Medical Center.Samtang ang driver sang Truck, nga ginkilala kay alyas "Faustino", 66-anyos, residente sang Brgy. Alijis sa Bacolod, ang gindala man sa ospital apang karon ang detained sa custodial facility sang Station 8.Nag...

Kapin sa 5.3 percent ang ginsaka sang tax collection sang Bacolod City Treasure's Office bangud na Business One Stop Shop ukon BOSS.Ginsiling ni Mayor Greg Gasataya nga sumugod sang Enero tubtob Pebrero 28, nga nagsugod ang BOSS, may nakita na ang suidad nga saka sa koleksyon bisan nga may 10 percent discount pa ini nga ginahatag.Sandig sa record sang City Treasurer's Office may ara na sang 21,189 ka mga negosyo ang nagproseso sang ila business permit paagi sa BOSS.1,628 diri ang bag-o nga mga negosyo sa siudad sang Bacolod.Bukas sa gihapon ang mga talatapan sang gobyerno sa luyag mag-renew sang ila business permits tubtob Marso 31 apang wala na ini sang 10 percent discount.Una na nga ginsiling sang alkalde nga ang indi maka-renew sang ila permits antis matapos ang bulan ang may ...

LTO naglunsar sang operation batuk sa mga overloaded nga truck sang tubo sa southern Negros.Nagpatigayon sang inspection ang katapo sang Land Transportation Office-Negros Island Region batuk sa mga overloaded nga trucks sang tubo sa pila ka mga lugar sa sur nga bahin sang Negros.Ginatuyo sang operation nga mapasiguro nga nagasunod ang mga sugarcane-hauling trucks sa road safety regulations kag sa prescribed nga load limits agud indi makatuga sang damage sa mga dalan.Ginpaandaman sang LTO ang mga drivers kag operators sang risgo kag penalidad kun sila ang madakpan nga naga-overloading.Sa idalum sang Republic Act 8794 ukon ang Anti-Overloading Act, ang mga trucks kag trailers nga naga-exceed sa maximum allowable Gross Vehicle Weight ang paga-multahan sang 25% sang ila Motor Vehicle U...

Bag-o lamang na renovate nga mga comfort room sa Provincial Capitol Lagoon ang gin-vandalize sang grupo sang mga hubenes.Sang Pebrero 13 gid lamang ginpatigayon ang blessing sa male and female comfort rooms, pero sang Martes sa post ni Provincial Administrator Rayfrando Diaz makit-an ang mga litrato sang nag crack nga tank sang toilet, may mga tiles sa lababo nga nag kalabuka kag naguba nga door knob.Suno kay Diaz sa ila nga pag pangusisa grupo sang mga high school students ang nag sinulod pero sa kadamo indi naman ma tumod kun sin-o gid.Tigaylo, gin pakaayo na lamang liwat sang probinsya ang mga nagkalaguba. Mangin pro-active na lamang ang probinsya suno sa Provincial Administrator.Suno kay Diaz mas mangin vigilant ang mga naga bantay kag posible mag log ang mga maga gamit sini....

"Wala pilitay"Ini ang pahayag ni Bacolod City Mayor Greg Gasataya may angut sa pag relocate sang mga nabiktima sang sunog sa Purok Katilingban, Barangay 39 kag sa Purok Lampirong sa Barangay 2.Ini matapos nga kadam-an sang mga biktima ang indi sa gihapon luyag nga maghalin sa ila mga gina-istaran.Suno sa Bureau of Fire Protection ang mga nasunugan nga lugar ginakabig nga mga red zones ukon delikado sa sunog.Dugang sang alkalde, duha lamang ka pamilya nga nasunugan sa Barangay 39 ang nagpabutyag nga handa sila mag relocate kun maproseso na sang siudad ang ila relocation.Ang amo nga mga pamilya ang ipahamtang sa Arao Relocation Site sa Barangay Vista Alegre.Ginahaylo sang siudad ang mga biktima nga mag relocate apang siling ni Gasataya, wala na lang sang pilitay.Samtang napanag...

Kapulisan nagahanda sa posible nga pagtaas sang kaso sang kinawatay bangud sa padayon nga pagtimbook sang presyo sang gatong.May mga action plans na nga ginhanda ang kapulisan hinali magtaas ang kaso sang kinawatay sa siudad sang Bacolod bangud sa padayon nga pagtaas sang presyo sang gatong.Ginsiling ni Bacolod City Police Office Director Colonel Eugene Rebadomia sa isa ka press conference Miyerkules sang aga nga may posibilidad nga ang pagtaas sang presyo sang gatong magatuga sang domino effect.Posible suno sa iya nga kon magtaas na ang presyo sang mga balaklon, magataas man ang kaso sang kinawatay, rason nga nagahanda na ang kapulisan sa amo nga sitwasyon.Padayon man ang pag-monitor sang kapulisan sa mga gasolinahan sa siudad matapos nga ginhaylo ni Mayor Greg Gasataya ang PNP ng...