Balita Hiligaynon

Nakabaton sang tig-10,000 pesos nga livelihood assistance ang 469 tanan ka mga Bacolodnon sa idalom sang Sustainable Livelihood Program ukon SLP sang siudad.Lakip sa mga nakabaton amo ang 308 ka mga mangingisda, 19 ka mga mangunguma, 45 ka mga distressed clients, 21 ka Community-Based Drug Rehabilitation Program clients, kag 66 ka mga vendor.Magluwas sini, ginsiling ni Richelle Verdeprado-Mangga, pamuno sang Department of Social Services and Development nga may una na nga 31 ka mga vendors sa Bacolod Public Plaza ang nakabaton sang amo nga ayuda.Suno kay Bacolod City Mayor Greg Gasataya, ang amo nga ayuda ang bulig sang siudad sa mga pumuluyo agud liwat ang mga ini nga makabangon ilabi na sa mga naapektuhan sang kalamidad.Sa kabug-usan, may yara na tanan sang 500 ka mga...

Sa statement nga ginpadala ni Ka Dionesio Magbuelas, ang spokesperson sang Romeo Nanta Command sang NPA, indi sila ang nagsunog sa kampo nga ginapanag-iyahan ni Wilfred Anglo sa Hacienda Jose Valing, Barangay Libacao sa Himamaylan sa Negros Occidental.Isa ka ektarya sa 120 ektariyas sang katubuhan ang nasunog.Suno sa rebelde nga grupo gin sabotahe lamang sila sang may kahimuan sini para sa ila ipasibangod.Sang weekend ginpang sunog ang mga heavy equipment sa amo nga hacienda bangud para sa NPA siyado ka nubo sang ginasweldo sang tag-iya sang hacienda sa mga mangunguma.

Naga shift na karon ang Philippine Army sa pagtutok sa external defense pero wala man sini gina pabay-an ang internal security operations.Ini suno sa pamuno sang Army nga si Lt General Antonio Nafarrete nga nagbisita sa tropa sang 30rd Infantry Brigade sini nga Biyernes sang aga, Marso 13, 2026.Suno kay Nafarrete, wala na sang nabilin nga guerilla fronts sang New People’s Army. Remnants na lamang ang nabilin. Diri sa Negros gamay na lamang ang nabilin sa rebeldeng NPA.Ginahaylo ni Nafarrete ang komunidad nga magbuligay.Pangapinan suno sa iya ang mga pamtan-on. Kun may mga reklamo gid man mag pakig-angut mismo sa gobyerno.May mga natungdan nga ahensya suno sa iya nga mag baton sa ano man nga sahi sang reklamo.Samtang, ginsiling man ni Nafarrete nga labing gina hatagan ya san...

Nagpadulong kagab-i, Marso 13, 2026, ang katapo sang Police Station 2 sa isa ka balay sa Purok Tilapia, Barangay 3 sa Bacolod City agud i-serve ang search warrant para sa illegal possession of firearm batok kay alyas "Dose".Nakuha sa operation ang isa ka .45 caliber nga pusil, mga bala, isa ka granada kag tatlo ka pakete sang suspected shabu nga nagabalor P102,000.Suno kay Police Major Eugene Tolentino, hepe sang Station 2, si alyas "Dose", amo ang suspect sa pagpatay sa isa ka babaye nga barker sa Brgy. 3 sadtong tinalikdan nga tuig.Detained karon sa custodial facility sang Station 2 si alyas "Dose".Kaso nga illegal possession of firearm, explosive kag illegal drugs ang ipasaka batok sa iya.

Nag-negatibo sa pag-gamit sang iligal nga droga ang 215 ka mga persons deprived of liberty sa duha ka jail facilities sa Bacolod City kag Victorias City.Nalakip sa ginpaidalum sa random drug test amo ang 155 ka mga lalaki nga PDLs sa Metro Bacolod District Jail, kag 55 ka mga lalaki kag lima ka babaye nga PDLs gikan sa Victorias City Jail.Ang katapo sang Philippine Drug Enforcement Agency-Negros Island Region ang nagpatigayon sang drug test.Samtang, may ginpatigayon man nga greyhound operation sa amo nga jail facilities kag wala sang may narekober nga illegal nga mga pagkabutang sa mga selda sang PDLs.

Ginlunsar na sang Biyernes, Marso 13, 2026 ang 30th Panaad sa Negros Festival.Sa capitol grounds, ginpamunuan ni Governor Eugenio Jose Lacson, Vice Governor Jose Benito Alonso kag mga katapo sang Sangguniang Panlalawigan ang program.Isa-isa man nga ginpakilala ang Lin-ay sang Negros candidates.Ginsiling ni Provincial Administrator Rayfrando Dias nga ini ang una nga tion nga 32 ukon kumpleto nga ang tagsa ka LGU ang may yara sang kandidata para sa Lin-ay sang Negros.Suno kay Charina Magallanes-Tan ang Festival Director, sa ika 30 ka tuig nga Panaad sa Negros Festival mas madamo nga mga inclusive activities ang naka line-up.Makita man sa selebrasyon subong kun paano nagsanyog kag nag tin-ad pa gid ang gina kabig festival of festivals sa sulod sang tatlo ka dekada.Laki...

Sa ginpatigayon nga random roadside inspection, Hwebes sang aga, Marso 12, 2026, sang Land Transportation Office-Himamaylan District Office, sa sur nga bahin sang Negros Occidental, 12 ka mga motorista ang nadakpan bangud sang nanari-sari nga mga traffic violations.Lakip sa mga violation amo ang indi valid nga driver's license, indi pagsuksok sang seat belt, indi rehistrado ang salakyan, reckless driving, kapaslawan sa pagdala sang OR/CR kag indi pagsuksok sang helmet.Sa nasambit nga operation, duha ka mga motor ang gin-impound.Samtang, ginserbe sang LTO-Negros Island Region ang show cause order sa operator sang modernized jeep nga wala nag-give way kag nag-obstruct sa alagyan sang isa ka ambulansya sa Bacolod City.Makita sa viral video nga may pasyente sa sulod sang ambulansya.M...

Luyag anay mapat-od ni Negros Occidental Governor Eugenio Jose Lacson kun pila gid ang mabaton sang mga public utility drivers nga bulig gikan sa national government kasubong man sang gikan sa tagsa ka LGU.Ini para man maka desisyon sila kun pila ang mahatag nga bulig sang probinsya sa mga apektado nga driver.Amo man ang pahayag ni Cadiz City Mayor Salvador Escalante, Jr., nga presidente sang Negros Association of Chief Executives.Suno kay Escalante maga sapol man sa iya si LTFRB Regional Director, Atty Gerry Llena angut sa counterparting nga gina duso para sa subsidy sang mga apektado.Kahapon gin-announce na ang P5000 nga bulig para sa mga PUV drivers nga pagasuguran ang payout sa madason nga semana sa Metro Manila kag magasunod naman ang sa mga rehiyon.Nagalaum si Governor Lacs...

May kapin sa 200,000 pesos kada bulan ang nakinot sang Bacolod City Government Center sa kuryente bangud sa 400 kilowatts nga solar panels nga ginagamit sini.Ginsiling ni Mayor Greg Gasataya nga kanugon sang power nga gaka generate sang solar panels kun weekend, gani nagapakig-angut na sila sa Negros Electric and Power Corporation agud nga ma connect ini sa grid.Kun matigayon na, iiban na lang sang NEPC sa balayran sang siudad kada bulan ang power nga magsulod sa ila grid.Kapin sa 1 million pesos ang ginabayran sang siudad sa kuryente sang BCGC sa kada bulan sa subong.20 million pesos ang ginpa-in aang siudad sa pagpatakod sang 400 Kilowatts nga solar panel sa BCGC.Samtang, natalana na sa masunod nga bulan nga mag-abot ang 10 ka mga electric vehicles nga ginbakal sang siudad agud...

Ginapaabot ang pagsaka sang bili sang kuryente sa masunod nga bulan kun magpadayon nga mahal ang produkto petrolyo dala sang gamo sa Middle East.May report si Richard Caballero.*