Balita Hiligaynon

Dead on arrival sa ospital ang senior citizen nga kabo matapos gintiro sang suspek nga naga-motor sa Purok Matam-is, Barangay Busay sa Bago City, Domingo sang hapon.Nakaangkon sang igo sang bala sa likod, kamot kag sa ulo si alyas “Fred”, 68-anyos.Nag-gwa sa imbestigasyon nga naga-drive si alyas “Fred” sang motorsiklo gikan sa balay sang kapitan kag padulong sa Hacienda Solinap kun diin siya naga-obra bilang kabo sang hacienda, sang siya ang gintiro.Ang suspek, nagasakay sa itom nga motor, nakasuksok sang blue nga jacket kag itom nga helmet.Personal nga inaway ang ginalantaw motibo sang kapulisan.*

Land Transportation Franchising and Regulatory Board ang nag approve na sang provisional fare increase para sa mga public utility buses. Ini ang nag take effect sang Sabado, Marso 14.Ang updated fare guide ang nagalakip na sang gin aprobahan nga provisional fare increase.Ang updated fare guide naga sakop na sang mga adjustment sa mga nagkalain-lain nga classification sang provincial public utility buses.Ang air-conditioned, super deluxe, kag deluxe nga provincial buses ang maga patuman sang P0.35 nga provisional fare increase sa kada kilometro.Ang Luxury buses naman ang may P.45 nga adjustment. Samtang ang ordinary provincial buses ang magasaka P1 sa ila nga base fare kag P0.30 naman sa masunod nga mga kilometro.https://youtu.be/Go5JE7BqJCM?si=u0LwDs_qilXgtiWpGins...

Duha ka teams ang gin-deploy agud i-monitor ang 151 ka mga gasolinahan sa siudad sang Bacolod.Ini ang base sa mando sang Department of Energy agud sigurohon nga ang tanan nga mga gasolinahan nagasunod sa eksakto nga price range.Ginsiling ni Atty. Marty Go, Secretary to the Mayor, ang duha ka grupo ang magalibot adlaw-adlaw kag magabantay pati na sa mga konsumedor agud malikawan ang hoarding sang produkto petrolyo.Kutob sa mga nagapamalibad nga magpa-inspect nga mga gasolinahan ang gilayon nga i-report sang LGU sa DOE.Ginklaro man ni Go nga ang direktiba sang DOE sa LGU ang mag inspect lang apang ang pag-issue sang show cause order kag posible nga penalidad sa mga nagalapas ang yara na sa DOE.Ang monitoring ang magapadayon tubtob nga magbalik na sa normal ang presyo sang gatong....

Sikat kag kilala nga mga banda ang ginapaabot maga perform sa 30th Panaad sa Negros Festival sini nga bulan sang Abril.Sa launching sang festival of Festivals sang Biyernes, nagsalida man ang 32 ka kandidata sa Lin-ay sang Negros.Yari ang report.

Gin-anunsyo sang Negros Power nga ₱11.4107/kWh ang average residential electricity rate para sa Marso 2026.May ₱0.0335/kWh nga gin nubo kun ikumpara sa rate sang Pebrero nga ₱11.4442/kWh.Ini bisan pa nga ang presyo sang kuryente halin sa WESM nagsaka ₱0.9162/kWh.May pagsaka man sa power delivery service sang NGCP pero ginbawi naman ini sang pagnubo sang ancillary service charges.Ang pagnubo sang transmission kag iban nga pass-through charges nakabulig nga mabalanse ang pagsaka sang generation cost. Bangud sini, gamay na lang ang pagnubo sang electricity rates para sa Marso 2026.*

Masobra sa 100 ka mga kababaihan kag katigulangan ang naka benepisyo sang libre nga medical check-up kag bulong sa ginpatigayon nga “One-Stop Shop” sa Bacolod City Government Center Lobby Lunes sang aga, Marso 16, kadungan sang selebrasyon sang National Women's Month.Ang nasambit nga programa ang ginpangunahan sang Department of Social Services and Development kag sang Gender and Development Council.Ginsiling ni Councilor Celia Flor, nga kadam-an sang mga nakabenepisyo ang mga empleyado man sang siudad bangud sila ang nakauna nga mag pa register.May libre nga bone check, Hemoglobin test, Blood Sugar test, HIV kag Tuberculosis Screening, kag dental check up. May ara man sang family planning consultation kag mental health counselling.May mga satellite offices man nga ginpahamtang ang...

Presyo sang diesel posible maglab-ot masobra sa P100 kada litro next week.Mga drayber mansig-mansig diskarte para indi matam-an.Yari ang report.

Kapin sa 10 million pesos ang natalana nga iga-hatag sang siudad sang Dumaguete sa Negros Oriental sa mga public transport drivers bilang fuel subsidy bangud sa nagapadayon nga pagsaka sang presyo sang gatong.Ini ang ginkumpirmar ni Negros Island Region Land Transportation Franchising and Regulatory Board Negros Island Regional Director nga si Gerry Llena.Ang amo nga subsidy ang igahatag sa mga rehistrado nga mga tricycle kag public utility vehicles nga mga drivers sa Dumaguete.Ini ang ginpaagi sang Sanguniang Panlungsod sang Dumaguete sa isa ka ordinansa nga nagalaum nga mabuligan sang siudad ang mga drivers nga nagakaapektohan nga mataas nga presyo sang petrolyo.Una na nga nagpanawagan ang LTFRB sa mga local government units nga maghatag sang dugang nga subsidy sa mga dri...

Ini base sa monitoring sang Bacolod City Police Office.Ginsiling ni BCPO spokesperson Police Captain Dax Santillan nga wala sila sang may na monitor nga mga gasolinahan sa siudad nga nagalapaw sa price range nga ginpatuman sang Department of Energy.Dugang pa niya, ila man nga hugot nga ginabantayan ang mga konsumedor agud malikawan ang pag-hauling sang produkto petrolyo.Indi pwede suno sa PNP ang pag-hauling sang gatong bangud sa krisis sa karon nga gina-atubang sang pungsod.Siling ni Santillan, natahap ang mga gasolinahan nga magpasobra sang presyo bangud sa padayon nga pagbantay sang kapulisan sa ila.Madumduman nga una na nga ginsiling ni BCPO Director Colonel Eugene Rebadomia nga may isa ka gasolinahan sa Barangay Mansilingan sang nagligad nga semana ang una nga gins...

Masobra na sa P1 billion na ang na-release sang Department of Social Welfare and Development nga bulig sa idalom sang emergency cash transfer para sa mga apektado sang bagyo Tino.Samtang, ginahulat pa sang DSWD ang guidance bahin sa subsidy para sa mga public utility drivers.Ginsiling ni DSWD Regional Director, Arwin Razo nga mga 90 percent na sila nga nahuman sa releasing sang ECT para sa mga pumuluyo nga apektado sang bagyo Tino.Suno sa DSWD, as of March 11, naglab-ot na sa 183,251 ka pumuluyo ang nag baton sang cash assistance.Ini sila ang gikan sa Bago, Binalbagan, Himamaylan, Hinigaran, Isabela, La Carlota, La Castellana, Moises Padilla, Pontevedra, Pulupandan, San Enrique, Valladolid, Bacolod sa Negros Occidental kag Canlaon City sa Negros Oriental.P1.076 billion na a...