Balita Hiligaynon

Nakakumpiskar ang kapulisan sang ginasuspetsuhan smuggled nga sigarilyo nga nagabalor sang P4,755,900 sa ginpatigayon nga maritime interdiction operation sa higad sang baybay sa Sitio Lintog, Barangay Nagbo-alao, Basay sa Negros Oriental.Nagpatigayon sang operation ang 4th Special Operations Unit sang Philippine National Police Maritime Group matapos makabaton sang impormasyon halin sa confidential informant nga may nagadiskarga sang suspected smuggled cigarettes sa coastal area.Antes pa man nga makasulod ang kapulisan sa finger port compound, insigida nga nakahalin ang bangka nga posible amo ang nag-transport sang sigarilyo pasulod sa pungsod.Nagdinalagan ang mga persona nga nagadiskarga sang sigarilyo matapos makit-an ang kapulisan. Ila ginbilin ang 83 tanan ka boxes sang sigarilyo...

Presyo sang baligyaanay sang humay sa karon ang nagsaka.Suno kay Pedro Limpangog ang presidente sang FIACN BRIS ukon ang Federation of Irrigators Association Central Negros Bago River Irrigation System, 24 tubtob 25 pesos ang kilo sang lagtong nga humay sa karon.May yara pa man sang tig 23 pesos kada kilo nga baligyaanay.Kun ipaanggid sa nagligad nga binulan, paborable sa mga mangunguma ang presyohanay karon bangud nagsaka ini gikan sa sadto anay P17 tubtob P20 kada kilo.Patapos na ang ani sa southern district suno kay Limpangog. Pero sa sitwasyon sa karon nabalaka man sila sa epekto sang pagtimbook sang presyo sang gatong karon sa ila nga pag panguma.Ang abono nga sadto 1,400 tubtob 1,500 ang baligyaanay subong masobra na sa P2,000.Ang transportation cost nila nag saka naman. ...

Nagpangabay ang mga opisyales sang Barangay Cabug sa Bacolod City sa Sanguniang Panlungsod nga kun pwedi dumilian ang paglabay sang mga dalagko nga trucks sa main road sang ila barangay.Ini bangud suno sa ila, delikado sa mga kabataan nga may dalagko nga salakyan nga nagalabay sa ila dalan kag indi man ini highway standard.Nagakasangit sa mga matag-as nga mga truck ang kable sang kuryente, rason nga naga ayo ang Barangay nga maaksyonan ini.Ginsiling ni Punong Barangay Jennifer Pintucan, nagsabat gilayon si Councilor Dindo Ramos sa ila panawagan kag nagpasalig nga magadihon ini sang isa ka ordinansa.Pungkuan pa sang Barangay Council kag sang SP sang siudad sa masunod nga bulan ang posible nga plastada sang amo nga ordinansa.Dugang pa ni Pintucan, ginhingyo man sang SP nga kun puwe...

Mga anay empleyado sang BACIWA nga damlag pa ginkakas sa serbisyo ang nag-file sang motion for execution para mapatuman ang compromise agreement nila nga naga lakip sang pagbayad sa ila sang back wages.March 10, 2026 sang nag-file sang motion ang 59 ka mga anay empleyado sa Civil Service Commission nga nagahinyo sang pag execute sang ginlagdaan nila nga compromise agreement sa Bacolod City Water District.Suno sa ila abogado nga si Edmundo Manlapao, Jr., final na ang desisyon sang CSC angut sa reinstatement sang 59 ka mga empleyado nga damlag pa gin-kakas sa serbisyo kasunod sang pag lagda sang BACIWA sang joint venture agreement sa PrimeWater, bangud sang redundancy.Suno kay Manlapao kasunod sang amo nga desisyon sila ang nag pungko upod sa BACIWA Board para mapat-od ang kantidad san...

Ginsulod sang katapo sang Philippine Drug Enforcement Agency ang isa ka ginakabig drug den sa Barangay Mansilingan, Bacolod City.Apat ka mga high value targets ang naabtan sang PDEA sa sulod sang hulot.Ang mga nagkaladakpan amo sanday alyas “Lito”, alyas “Medardo”, pareho residente sang Brgy. Mansilingan; alyas “Rollie” kag alyas “Michael”, nga taga-Kabankalan City.Suno sa report, si “Lito” amo ang maintainer sang drug den, samtang employer naman si “Medardo”, nga naga-obra bilang auto mechanic.Ang duha ka mga pangayaw nga sanday “Rollie” kag “Michael” ang nagbisita sa drug den. Sila ang naga-obra bilang driver kag helper.Narekober sa operation ang walo ka pakete sang suspected shabu, buy-bust money, duha ka improvised tooters, lima ka disposable lighters kag cellphone.*...

Napulo ka mga banwa kag siudad sa Negros ang apektado sang ash fall kasunod sang paglupok sang bulkan Kanlaon sang Domingo, Marso 15.20 ka ektariya naman sang forest area, kag 45 ka ektariya sang grass land ang nasunog posible bangud sang ballistric projectiles kag PDC gikan sa bulkan.Yari ang report.*Napulo ka mga banwa kag siudad sa Negros ang apektado sang ash fall kasunod sang paglupok sang bulkan Kanlaon sang Domingo, Marso 15.Ginabulubanta 20 ka ektariya naman sang forest area kag 45 ka ektariya sang grass land ang nasunog posible bangud sang ballistric projectiles kag PDC gikan sa bulkan.Yari ang report.https://youtu.be/P0CpzChH7Ic?si=Dx2quQ3-ijOWS3h1

Kun masobra sa 80 pesos sa subong ang presyo sang kada litro sang diesel, sa Martes, Marso 17, makalab-ot na ini sa masobra isa ka gatos ka pesos kada litro.Kay Martes sa aga, P20.40 tubtob P23.90 ang saka sa kada litro sang diesel suno sa Deparment of Energy.Mas mataas pa gid kun ikumpara sa ginsaka sang nagligad nga semana.Ang gasolina naman P12.90 tubtob P16.60 ang saka sa kada litro kag P6.90 tubtob P8.90 sa kerosene.Pero suno sa kay DOE Secretary Sharon Garin, may mga gas stations nga utay-utayon ukon amat-amaton lang sa gihapon ang pagpatuman sang saka sa presyo.https://youtu.be/mumoUUIw4OM?si=rHsrtCKy6DqdnVCzMay mapatuman sang amat-amat nga saka sa sulod sang duha ukon tatlo ka adlaw.Ini ang resulta sa gihapon sang gamo sa middle east. Nagapasalig ang D...

Nasapwan Lunes, Marso 16, ang bangkay sang senior citizen nga gin-alegar nalumos sa Cansibit Pit, nga sakop sang Purok Malipayon, Barangay San Jose sa Sipalay City.Ginkilala ang biktima kay alyas “Paula”, 73-anyos, kag may Alzheimer’s disease.Suno sa iya bata, naghalin sa ila balay ang biktima mga las 3 sang kaagahon sadtong Sabado nga masami niya ginahimo, apang wala na makapauli.Duha ka adlaw ang makaligad, nakit-an ang lawas sang tigulang sa madalom nga bahin sang pit nga sadto anay, isa ka minahan.Base sa examination, wala sang sinyales nga may physical injuries ang lawas sang biktima.*

Lapsag ginbilin lang sa dapog sa Barangay Cabug sa Bacolod. Iloy sang lapsag posible isa ka menor de edad kag karon gina usisa na sang Department of Social Services and Development.Isa ka menor de edad ang gin-report sa DSSD nga posible iloy sang bag-o bun-ag nga lapsag nga nakita sa dalom sang isa ka balay sa Barangay Cabug, sang Sabado.Ini ang ginkumpirmar ni Richelle Verdeprado-Mangga, pamuno sang DSSD sini nga hapon, Marso 16.Suno sa iya, wala makahibalo ang iya mga kaingod balay nga nagabusong ang menor de edad bangud posible nga ginatago niya ini. Gilayon man nga ginkadtuan sang DSSD ang amo nga babaye agud sigurohon kun siya gid man ang iloy.Kon mapamatud-an nga siya gid man ang iloy, ipadalum siya sa counselling sang DSSD agud mahibaluan ang nagakaigo nga mga tikang nga pag...

Mag-utod nga suspek sa pagpatay sa isa ka lalaki sa Brgy. 22, Bacolod City, nadakpan kag nakuhaan sang mga pusil.Nadakpan sang kapulisan ang mag-utod nga suspek nga nagtiro kag nagpatay sa 54-anyos nga lalaki sa atubang sang isa ka store sa corner Hilado-Rizal streets sa Barangay 22, Bacolod City, Biyernes sang gab-i.Naga-inom sa tiyange sa idalum sang barangay hall si alyas “Ruben”, residente sang Brgy. 23 upod ang isa ka tanod sang nag-abot ang duha ka suspek, sakay sang motor.Gintiro sang mga suspek ang biktima gamit ang KG9 submachine gun nga gintago sa sako kag nalagyo. Wala masalabat ang tanod.Sa follow-up operation, nadakpan ang duha ka suspek nga sanday alyas “Junjun Paloy” kag ang iya manghod nga si alyas “Jerme”.Narekober sa boarding house nga ginatineran sang mga suspe...