Balita Hiligaynon

May halos 7,000 ka mga guest ang Mambukal Resort and Wildlife Sanctuary sang Holy Week.Sa datus nga gin-release ni Provincial Administrator Rayfrando Diaz, humalin Abril 2 ukon sang Holy Thursday tubtob sang Abril 5 ukon Easter Sunday, may 6,972 ka mga guest ang Mambukal.Pinaka damo nga nagbisita sa Mambukal amo sang Easter Sunday - 2,416 ka mga guests.Makita sa mga litrato nga ang iban sa idalom na lamang sang mga kahoy bangud nga wala na sang available nga picnic huts.Fully occupied man ang grotto area kag ang bag-ong bukas nga garden cafe.Ang Mambukal Resort ang gina panag-iyahan kag gina manage sang probinsya sang Negros Occidental.*

Gindakop sang kapulisan ang apat ka mga persona nga amo ang ginatudlo suspect sa pagtiro sa isa ka babaye sa Purok Maabi-abihon, Barangay Banago sa Bacolod City sadtong Huwebes Santo, Abril 2, 2026, nga nagresulta sa iya kamatayon.Nagasakay sa tricycle ang biktima nga si alyas “Romelyn” sang siya ang gintiro sang mga suspek nga sakay sa motor.Sa report sang Bacolod City Police Office, gin-alegar mga miyembro sang gun-for-hire ang mga gin-aresto nga sanday alyas “Anthony”, 42-anyos, taga Brgy. Bata; alyas “Erwin”, 39-anyos, taga Brgy. Vista Alegre; alyas “Noel”, 54-anyos kag alyas “Jovito”, 39-anyos, pareho residente sang Brgy. Taculing.Sa background investigation nahibaluan nga may mga daan nga kaso sa iligal nga droga ang mga suspek kag sila ang nagapakigbahin sa gun-for-h...

Ginpangita sang Land Transportation Office – Negros Island Region upod ang Tanjay PNP ang balay sang content creator sa nabukid nga bahin sang Novallas sa Tanjay City agud i-serbe kuntani ang Show Cause Order sa iya.Apang wala siya didto kag tigayon ini nga na-locate sa Dumaguete City.Ginapasabat sang LTO ang nasambit nga content creator sa iya pag-vlog samtang naga-drive sang salakyan kag wala sang suksok nga seatbelt.Suno sa LTO, ang ginhimo sang content creator ang isa ka pagsupak sa Republic Act No. 4136 ukon Reckless Driving kag Republic Act No. 8750 ukon ang Seat Belt Use Act.Subong nga Lunes, Abril 6, nagpadulong sa LTO Regional Office sa Bacolod City ang nasambit nga vlogger kag gin-submit ang iya verified written explanation. Ini karon ang gina-evaluate na sang LTO...

Work from home ang mga taga gobyerno Miyerkules sang aga kag wala na sang trabaho sa hapon gani sang udto nag amat amat na dagsa ang mga pasahero sa bus terminal.May report si Richard Caballero.*https://youtu.be/66gAUzIQ-ak?si=xEv_UFZbTQuwMcs0

Gin surprise sang Land Transportation Office Negros Island Region ang mga drayber Miyerkules sang aga sa ila nga Oplan Harabas.Gin drug test ang mga drivers sa may Bacolod North Jeep Terminal. Ini ang pamaagi sang LTO kaupod ang PDEA, PNP kag HPG nga mapasiguro ang safety sang mga motorista kag pasahero sini nga Semana Santa.May kapin sa 200 ka mga drivers ang gin drug test kag sa inisyal nga resulta, may apat ka mga truck drivers ang nag positibo.https://youtu.be/5vMSiZ53qTo?si=SvLcosqY3YEyLK2YSuno sa OIC Regional Director sang LTO-NIR nga si Jack Conlu, kutob sa mga nag positibo nga mga drayber sarang nga ma kasuhan kag ma revoke ang lisensya sang mga drayber kun mag positibo pa gid sa confirmatory test.Ini ang pamaagi para masiguro nga wala sang drayber nga yara sa...

Regional Disaster Risk Reduction Management Council ang naka red alert man para sa Semana Santa.Suno kay Donato Sermeno, III, ang Office of the Civil Defense Director kasubong man ang pamuno sang RDRRMC, naka red alert naman gid nga daan sila bangud sang sitwasyon sang bulkan Kanlaon, pero nalakip man sa ila nga maid-id nga monitoring karon nga pagdumdom sang Semana Santa.Sila ang naga pakig-angut na sa tagsa ka local government unit nga amo ang naga deploy sang ila tagsa ka mga teams sa pagpasiguro sang malinong kag matawhay nga Holy Week.Angut sa State of Energy Emergency sang pungsod naga patuman man ang OCD sang pagkinot sa produkto petrolyo kag enerhiya.Samtang, suno kay Sermeno, upod sa ila nga pahanumdom sa publiko ang paghalong sa mainit nga panahon.“Monitoring ...

Nagapanawagan ang Bacolod City Police Office sa mga nabiktima sang hold-up nga mag-report sa kapulisan agud maaksyonan.Suno kay BCPO Officer-In-Charge Police Colonel Eugene Rebadomia nga sandig sa ila cyber monitoring, madamo sang mga naga-post sa Facebook nga nabiktima sila sang hold-up pero wala man na report sa police stations.Ginhaylo ni Rebadomia ang publiko nga kun mangin biktima sang hold-up, magtawag gilayon sa 911 agud ma respondehan sang kapulisan.Panawagan man sini nga sa tion sang kriminalidad, unahon anay nga tawgan ang kapulisan antes mag post sa Facebook.https://youtu.be/N8f3hPgN34s?si=mZsmjk0MRX8P_qVwSuno sa iya, indi makaresponde kag maimbestigaran sang BCPO ang mga kaso nga wala man napa blotter ukon na report sa bisan diin nga police station sa siud...

Nagsaka sa atop sang ila balay ang 45-anyos nga tricycle driver agud kuntani kuhaon ang hilo sa ilaga apang siya ang nakuryente mga las 6:40 sang hapon, Martes, sa Purok Mabinuligon, Barangay Maricalum sa Sipalay City.Nag-gwa sa imbestigasyon nga natandog ni alyas “Jiel” ang live wire nga naka-angot sa poste sang Negros Occidental Electric Cooperative.Gindala sa Sipalay Infirmary Care Unit ang lalaki kag siya ang gin-refer sa ospital sa Bacolod City.*

Natiruhan kag napatay sang negosyante ang isa ka tambay sa corner Mabini-Rosario streets sa Barangay 33, Bacolod City, Martes sang kaagahon.Nakaangkon sang mga igo sang bala sa lawas ang biktima nga si alyas “Joevic” kag patay na sang mag abot sa ospital.Ginsiling ni Police Capt. Peter John Ramos, hepe sang Station 6, ginsita sang suspek nga si alyas “Bong Bong” ang mga tambay bangud masami nga nagakadulaan sang mga gamit ang iya prutasan.Nagsabat si “Joevic” kag didto na sila nagkamog tubtob nga natiruhan sang negosyante ang biktima.At large ang suspek apang siya ang magapangatubang sang kaso nga murder, suno kay Ramos.Duha ka empty shells sang caliber .45 pistol ang narekober sa crime scene.*

Gin-mobilize sang Police Regional Office-Negros Island Region ang masobra isa ka libo nga police personnel sa bilog nga rehiyon agud pabaskugon ang seguridad sa pagsugod sang Semana Santa.Iga-augment ang mga pulis, sang personnel gikan sa Bureau of Fire Protection, Armed Forces of the Philippines, Philippine Coast Guard, Airport Police kag iban pa nga uniformed services.Sa mga high-priority areas iga-deploy ang mga pulis, lakip na sa mga simbahan, major thoroughfares, terminal, puerto, malls, public market, sa mga baybay, resorts kag pila ka tourist destination sa Negros.Suno sa PRO-NIR, isa ini ka multi-agency kag coordinated approach agud mas mangin visible kag mas madali ang pag-responde sang mga pulis enkaso may matabo nga mga untoward incidents.*