Nakumpiskar sang otoridad ang balor P8.8 Million nga smuggled cigarettes sa entrapment operation sa Barangay 3, banwa sang Isabela, Negros Occidental, mga las 2:15 sang kaagahon, Biyernes, Setyembre 25.
Nadakop sa nasambit nga operation sa pagpanguna sang Criminal Investigation and Detection Group Negros Occidental Provincial Field Unit, ang tatlo ka mga pangayaw.
Ginkilala ang mga gindakop nga sanday alyas “Rey”, 32-anyos; alyas “Virgil”, 32-anyos; pareho residente sang Zamboanga Del Norte kag alyas “Gery”, 46-anyos, taga Valenzuela City.
Nakuha sa ila ang P500 nga marked money, P29,500 nga boodle money, 176 ka master cases sang nanari-sari nga klase sang sigarilyo kag isa ka wing van truck.
Magluwas sina, narekober man ang 150 ka sako sang pula nga sibuyas bombay, nga amo ang ginbutang sa punta sang truck, agud matabunan ang mga sigarilyo.*
[sibwp_form id=1]