Ginpakamaayo ni Mayor Richard Jaojoco nga magpangita sang ma rentahan nga balay sa Bacolod City agudto may ma teniran ang mga taga Toboso nga naga serbe nga watcher sang pasyente nga na-admit sa Corazon Locsin Montelibano Memorial Regional Hospital.
Damlag pa, wala na gintugutan sang tagdumalahan nga magsulod sa ospital ang mga watcher sang pasyente para malikawan ang paglapta sang COVID-19.
Suno sa alkalde iya nakita ang mabudlay nga kahimtangan sang mga watcher sang pasyente nga yara naga tenir sa sidewalk.
“Nag-renta na lang ta balay para may matulugan man sila sang insakto sa gab-i kag paliguan man.”
Naglantaw ako sa ila, the other night, nakita ko gid naga ulan pa tapos ara lang sila basically sa sidewalk na kun mukusog, basa gid sila. Usually ang taga amon nga ara da indigent gid na mo”, suno kay Jaojoco.
Sa masami suno kay Jaojoco ini sila ang nag gikan pa sa mga malagyo nga sitio.
Suno sa alkalde magahimo man sila sang hotline agudto maka coordinate ang mga taga Toboso nga watcher sang pasyente sa tagsa nila ka mga barangay para mahatagan sang watcher’s ID.
Ang alkalde ang nakakita sang balay nga sarang matineran sang mga 16 ka persona.
May libre man sila nga pagkaon.
Mismo ang alkalde anay ang nagbayad sang renta sang balay pending sang pag plastar sang papeles agudto gilayon nga mabuligan ang mga taga Toboso.