Shadow

Onse sa dose ka bag-o nga kaso sang COVID-19 sang siudad sang Kabankalan close family contact sang 34 anyos nga babaye nga nagtaliwan nga positibo sa virus

May dugang nga dose ang COVID-19 cases sang siudad sang Kabankalan.

As of October 23, 160 ang active COVID-19 cases sang siudad.

Sa report sang Kabakalan LGU, onse sa dose mga close family contact sang 34 anyos nga babaye nga nagtaliwan sadtong Oktubre 14. Siya ang pinaka una nga nagtaliwan nga positibo sa virus.

May 145 naman nga gin-report naka recover sa COVID-19.

Damlag pa ginsiling ni Mayor Pedro Zayco nga kun nagtimbuok man ang kaso nila sa COVID-19 ini natungod nagpatigayon sila sang mass testing.

Ginalauman ni Zayco nga sa masunod nga semana maga nubo na ang kaso sang COVID-19 sa siudad.

Padayon naman ang panawagan sang alkalde sang kooperasyon sang pumuluyo sa pagsunod sang health protocol.

Mas ginpahugot pa gid ang pagpatuman sang pag gamit sang face mask kag physical distancing sa siudad.

Secured By miniOrangeSecured By miniOrange