Bwas, Nobyembre 20, maga take effect ang saka sa minimum wage sang mga trabahante sa mga probinsya sang Western Visayas kag sa Negros Occidental.
Paathag ni Atty Joseph Brian Perez nga isa sa mga katapo sang board members para sa labor sa Regional Tripartite Wages and Productivity Board VI kun sa diin kabahin pa ang Negros Occidental, automatic na nga maga take effect ang bag-o nga daily minimum wage rate.
P590 na ang bag-o nga minimum wage para sa naga trabaho sa non-agricultural/industrial/commercial sector nga may mga empleyado nga masobra sa napulo.
Sa mga may 10 workers and less naman, P565 ang bag-o nga rate. Sa agricultural sector, P565 ang bag-o nga daily wage rate.
Sa kasambahay, P7,000 ang bulanan.
Paathag ni Perez, kun may mga ulubrahan nga indi makasarang sa pag patuman sang bag-o nga wage rate pwede sila maka file sang exemption sumugod Nobyembre 20.
May mga guidelines kag requirements sa kun sin-o ang pwede maka file sang exemption kag ini ang naka post sa page mismo sang RTWPB VI.
Ang mga retail ukon service establishment nga may empleyado nga indi masobra sa napulo kag ang mga establishment nga naapektuhan sang kalamidad ang pwede mag-file sang exemption.
Isa sa mga requirements ang financial statement sang natungdan nga kumpanya suno kay Perez.
Sa guidelines sang National Wages and Productivity Commission tubtob January 17, 2027 ang filing ukon indi maglapaw sa 75 days humalin sa publication sang Wage Order, kag kun sa kaso sang may kalamidad, indi na mag lapaw sa 75 days humalin sa declaration sang State of Calamity.
Personal ukon paagi sa mail ang pag file sang application for exemption sa talatapan sang RTWPB VI, pwede man via electronic mail ukon sa talatapan sang DOLE.
Pero, sarang man maka file sang opposition ang bisan sin-o nga worker ukon union sang natungdan nga estiblisimiento.
“Within 60 days we’ll decide whether to approve or deny ang ila application for a wage increase. Kun basehan ta lang ang DOLE no may 96 percent sila nga compliance rate according to them. Pero in reality basi lower than that, records also on field nga may iban nga establishment especially sa agricultural sector nga daw medyo indi ga comply,” suno kay Perez.
[sibwp_form id=1]