Balita Hiligaynon

Nagapungko nga general manager sang Central Negros Electric Cooperative ang nagatuyo nga mapanubo sang piso kada kilowatt hour ang balayran sa kuryente sumugod sa bulan sang Hulyo.Ginpahayag ni CENECO project supervisor kag acting general manager Atty. Danny Pondevilla nga ginatun-an sa karon sang kooperatiba ang nagkalain-lain nga mga pamaagi para mapanubo ang balayran sang kuryente sang mga konsumedor.Pila diri amo ang pagpasiguro nga wala sang korapsyon nga nagaluntad sa operation sang kooperatiba ilabi na sa pagsulod sa mga kontrata sa mga suppliers sini.Nagmando si Pondevilla nga mangin bukas ang bidding sang ceneco sa mga consumer groups kag nagtukod sang advisory council para mabatian ang tingug sang mga konsumedor sini.Tuyo man ni Pondevilla nga solusyunan ang masam...

Sa Pebrero patigayunon ang supplemental immunizattion para sa tipdas kag polio.Suno kay Dr. Ernell Tumimbang ang provincial health officer sang Negros Occidental, mga kabataan gikan zero tubtob five years old amo ang ipaidalom sa supplemental immunization. Tuyo sini nga malikawan ang ano man nga outbreak sa amo nga balatian suno sa Department of Health.Suno kay Tumimbang sa karon wala sang kaso sang polio kag tipdas nga na-record sa Negros Occidental.Samtang, padayon ang kampanya sang probinsya kontra dengue. ini sa tunga sang gina lantaw nga pagsaka sang kaso sa 2022 kun i-base sa cycle sang amo nga masakit dala sang lamok. sa kada tatalo ka tuig may pagsaka sa kaso sang dengue.

May dugang naman nga 13 ka bag-o nga kaso sang COVID-19 ang Negros Oriental nga nag lab-ot na sa 1,131 ang total COVID-19 cases.Pito sa bag-o nga mga kaso ang yara sa Dumaguete City, duha sa Tanjay City, duha sa Sibulan kag tig isa sa Guiuhulngan City kag Bacong.May 17 man ka new recoveries ang probinsya. 203 sa karon ang active cases sa Negros Oriental.Samtang, nag allocate na ang siudad sang Dumaguete sang 30 milyones pesos para sa pag bakal sang COVID-19 vaccines.Suno kay Dumaguete City Mayor Felipe Remollo, initial budget pa lang ini sang siudad kag sila ang maga hulat pa sang dugang nga pondo gikan sa provincial kag national government.Ginahandaan naman sang siudad ang pag himo sang task force para mag tutok sa COVID-19 vaccination sa mga residente.Prayoridad s...

Cauayan PNP photoPatay ang 50 anyos nga iloy nga si Precilla Mediona matapos ginlaslas ang iya liog sang iya mister sang kahapon sa Barangay Yao yao sa banwa sang Cauayan.Sa imbestigasyon sang PNP, naga inaway ang biktima kag iya mister nga si Eduardo Mediona bangud sa apat ka tuig na nga nagapadala sang kwartea ang misis para sa pagpakay-o sang ila balay sang siya ang naga trabaho pa sa Manila, pero sa iya pag pauli sang Disyembre wala sa gihapon nakay-o ang ila balay.Suno sa pulis, kahapon lang liwat suno naka balik ang biktima sa ila balay matapos mag tiner sa balay sang iya anak, kag sa iya pagbalik sila ang nag baisay na naman sang iya nga mister.Amo ini ang nag tulod suno sa PNP sa pag laslas sang mister sa liog sang iya misis sa atubang pa sang ila tatlo ka anak....

Siudad sang Bacolod ang may napili-an na nga bente dos ka mga health centers nga magaserbe bilang vaccination centers sa pagdapat sang bakuna kontra COVID-19.Ginpahayag ni Bacolod Councilor Renecito Novero nga katapo sang Vaccination Council sang siudad, ang ini nga vaccincation centers ang yara sa nagkalain-lain nga mga barangay.Ila ginpili ang mga health centers nga malapit sa barangay gym ukon buluthuan agud may yara sang himuon nga holding area nga teniran sang mga pumuluyo nga pagabakunahan.Suno kay Novero, ila nga ginpili ang mga health centers bangud may yara na ini nga daan sang mga medical facilities kag mahimo nalang dugangan sang refrigerators kag power generators para sa storage sang vaccine.Ang napili-an nga mga vaccination centers ang kinahanglan pa nga maapru...

BCPO photoNagapanyapon lang sa sulod sang iya kwarto sang kagab-i sa DC-1 sa Regent Pearl Homes Subdivision sa Barangay Alijis ang biktima nga si Joeffrey Parandas, 59 anyos, sang gin sulod siya sang armado kag gin luthang.Suno kay Lieutenant Conrado Espino, pamuno sang Police Station 7, tatlo ka lalaki ang nagpanaog sa motorsiklo sa gwa sang balay sang biktima. Duha ang nagsulod sa balay kag ang isa ang nag rekta sa kwarto ni Parandas kag nag luthang sa iya sa ulo nga iya ginkamatay.Yara pa suno kay Espino sa sulod sang balay ang anak anakan sang biktima kag asawa sini pati na ang isa ka masahista pero wala sila matandog sang mga suspek kag ila gid lang target amo si Parandas.Wala pa sa karon nahibaluan ka PNP kun ano ang motibo sang mga suspek sa pagpatay kay Parandas....

Natalana ang occular inspection sang Committee on Environment sang Sangguniang Panlalawigan sang Negros Occidental sa mga quarry sites sa third district.Ini kasunod sa ginpatigayon nga pagsinapol angut sa pagpangusisa sa nagluntad nga baha sa northern Negros sini gid lamang kun sa diin labing na apektuhan ang third district.Suno kay Board Member Andrew Montelibano ang chairperson sang committee on environment, sa amo nga pagsinapol, natukiban nila gikan sa PEMO nga may 200 ka mga quarry sites sa third district lamang.Luyag nila ma pat-od kun bala naga sunod ini sa mga pagsulundan ukon may pag supak.Luyag man nila mag patigayon sang aerial survey sa Patag kag makita ang kahimtangan sang catch basin. May tatlo ka catch basin diri. suno kay Montelibano sa ila nga pagsapol sa d...

79th IB photoYara karon sa custody sang Talisay City PNP ang duha ka bulan nga lapsag matapos gin bilin sang iya ginikanan nga gina alegar katapo sang New People's Army sang magpalagyo sa tropa sang militar.Suno kay Major Cenon Pancito, Public Affairs Office Chief sang 3rd Division, ginpadala kaina pasado las dos sang kaagahon ang tropa sang 79th Infantry Battalion sa Hacienda Ambulong, Barangay San Fernando sa siudad sang Talisay matapos gin report ang presensya sang NPA sa lugar.Wala pa mag abot ang army suno kay Pancito, nagpinalagyo na ang mga rebelde.Didto na nakita sang militar ang lapsag nga nabilin sa balay nga posible gin tiniran sang NPA members.Paga usisaon man suno kay Pancito sang army ang mag asawa nga gin bilinan sang lapsag kag ang mga nabilin sa balay k...

Saliva test para sa COVID-19 ang mahimo man mangin available sa mga Biomolecular laboratories sang philippine red cross sa mga probinsya sa ti-on nga maaprabuhan na ini sang Department of Health.Ginpahayag ni Philippine Red Cross Governor Jay Jalandoni nga nagapadayon pa ang pilot testing sang saliva test sa Metro Manila antes ini pahanugutan sang DOH nga mahimo na magamit para sa publiko.“As to when mag abot diri waay lang kita kabalo pero if the question is malab-ot diri definitely yes, on all red cross labs once ma approve na ni sya sa DOH i-cascade na na siya sa tanan nga laboratories sang red cross nationwide. Ano ang equipment needed? wala na ni additional equipment needed siguro a little training sa staff naton,” suno kay Jalandoni.Ang saliva test ang isa ka pamaagi para...

Duha ka balay ang naguba sa nag luntad nga landslide kahapon sang aga sa Barangay Caidiocan sa Valencia, Negros Oriental tuga sang ulan nga dala sang tail end of a frontal system kag low pressure area sa Mindanao.Pero suno sa Municipal Disaster Risk Reduction Management Office sang banwa, wala man sang casualty sa natabo nga landslide.Ginabulubanta naga balor P20,000 ang halit nga gintuga sang landslide sa duha ka pamalay.Gindala naman sa evacuation center ang pamilya nga puyo sa amo nga mga balay.