Balita Hiligaynon

BCPO photoNagapanyapon lang sa sulod sang iya kwarto sini nga gab-i sa DC-1 sa Regent Pearl Homes Subdivision sa Barangay Alijis ang biktima nga si Joeffrey Parandas, 59 anyos, sang gin sulod siya sang mga armado.Tatlo ka lalaki ang nagsulod sa balay kag ang duha ang nag rekta sa kwarto ni Parandas kag gin tiro siya sa ulo.Patay si Parandas sa pag paniro.Padayon pa sa karon ang imbestigasyon sang PNP kag ginahibalo ang motibo sa pagpatay sa biktima.

Silay PNP photoPatay ang 37 anyos nga si John Galagate matapos siya labuon kag bun-on sang duha ka mag utod sabado sang gab-i sa Barangay E. Lopez sa siudad sang Silay.Sa imbestigasyon sang PNP, naga papuli na ang biktima kag naga panglakaton sa dalan sang gulpi lang magwa sa tubuhan ang mag utod nga Ronald kag Ronilo panaguiton kag gin banggan si Galagate.Ila na lang gilayon gin buno kag ginlabo ang biktima nga nag resulta sang iya gilayon nga kamatayon.Na recover sa crime scene ang isa ka patalom. Gina hibalo pa karon sang pnp ang motibo sang mga nakapalagyo nga suspetsado.

Punong barangay sang Barangay 10 sa Bacolod nga si Dexter Diogenes Yap ang nagtaliwan kagabi sa edad nga 59.Suno sa barangay administrator nga si Marvi Vasquez, madugay na nga may yara sang balati-an nga diabetes si Yap.Siya ang gindala sa ospital sang Domingo sang gab-i matapos magbatyag sang palanakit sa dughan kag respiratory failure ang nangin kabangdanan sang iya kamatayon.Nagserbe si Yap bilang punong barangay humalin sang tuig dos mil trese.Antes nangin kapitan, nangin numero uno man siya nga kagawad sang barangay.Madamo sang nga mga kadalag-an nga naangkon sang Barangay 10 sa idalum sang pagpamuno ni Yap.Pila diri amo ang Child-Friendly Barangay awardee, Regional Sandugo awardee sang Philippine Red Cross kag paglunsar sang kapistahan sang barangay nga gintaw...

NOCPPO photoGindakop sang kagab-i ang 23 anyos nga si Nicole Tagamolila alyas Nica sa buybust operation sang Drug Enforcement Unit sang Negros Occidental Police Provincial sa Barangay Binicuil sa Kabankalan City.Ang gindakop ang top 3 sa targetlist sang provincial PNP.Nakuha sa iya sa buybust ang onse ka sachet sang ginapatihan shabu nga naga balor P45,000.Detained na karon ang suspek kag kaso nga pagsupak sa RA 9165 ang ipasaka batuk sa iya.

Bacolod DRRMO photoPila ka bahin sang Bacolod, Talisay kag Silay ang naka eksperyensya sang inoras nga brownout kahapon bangud sang malain nga panahon.Las dos sang kaagahon kahapon sang matumba ang puno sang sambag sa Puentevella Subdivision, Barangay Taculing sa Bacolod bangud sang mabaskug nga hangin.Nagtuga ini sang brownout sa lugar.Las diyes kwarenta naman sang aga natumba man ang puno sang gemilina sa barangay alijis nga nagtuga man sang brownout sa lugar.Nagresponde ang Emergency Response Team sang Bacolod City Disaster Risk Reduction and Management Office sa pag utod sang amo nga mga kahoy kag pagpatigayon sang clearing operations.Makaduha man ka beses nga nag trip off ang Bacolod-Silay 69KV line sang Central Negros Electric Cooperative bangud sang mabaskug ...

Ang pagpamalibad sang mga pumuluyo sa pre-emptive evacuation amo ang isa sa mga kabudlayan nga nasugata sang mga rescuers.Ini suno kay Zeaphard Caelian ang pamuno sang Provincial Disaster Management Program Division sa ila nga rescue operation sa mga banwa kag siudad nga ginbaha sini lamang.Rason nga naga panawagan si Caelian saa pumuluyo nga kuntani kun maabisuhan na nga mag evacuate indi na paghulaton pa nga magsaka ang tubig baha kag amo ang paagbiya sa ila tagsa ka puluy-an. paathag ni Caelian, wala labot nga diutay man lang ang ila nga tawo, may kakulang man daan sa equipment.Isa sa ila nga gina lantaw nga tikang amo ang pagpa bakod pa gid sang network of responders.Nalakip sa recommendation sang PDMPD amo ang dredging saang mga waterways kag pag pahamtang sang early w...

Karon nga nakapirma na sang multi-lateral agreement ang siudad sang Bacolod sa AstraZeneca Pharmaceutical Philippines para sa pagbakal sang bakuna sa COVID-19, tuyo sang lokal nga pangulohan nga magbakal man sang bakuna gikan sa iban nga mga pharmaceutical companies.Ini bangud limitado lang nga supply sang bakuna ang mahatag sang kada drug company sa mga local government units.Gani sang Biernes ginhatagan na sang sangguniang panlungsod sang authority si Bacolod Mayor Evelio Leonardia para makasugod na sang negosasyon sa pagbakal sang dugang nga bakuna sa iban pa nga mga supplier.Nagaporma naman karon sang grupo sang mga doktor ang Bacolod Emergency Operations center para magpatigayon sang information-education campaign sa mga barangay para mahaylo ang pumuluyo nga magpabakuna k...

Tatlo na lamang karon ka banwa ang naga pabilin nga may yara sang zero active COVID-19 cases sa Negros Occidental.Ini amo ang banwa sang Don Salvador Benedicto, Hinoba-an kag San Enrique base sa January 10 nga report sang Provincial Incident Management Team.Gikan sa 104, 110 sa karon ang active COVID-19 cases sang probinsya.Pinaka madamo nga may active COVID-19 case amo ang San Carlos City - 29, Silay - 13 kag Cadiz - 10.Suno kay Governor Eugenio Jose :acson mahimo nga ini ang tuga na sang liwat nga pag abot sang mga stranded individual ukon sa mga pagtililipon sang holidays.May nag report na gani suno sa iya sa iban nga lugar nga nagsaka ang kaso sang COVID-19.