Balita Hiligaynon

Dala sang mabunok nga ulan pila ka mga barangay sa San Carlos City ang ginbaha sini nga hapon.Suno kay Mayor Renato Gustilo ginbaha ang Barangay 1, 5, 6 kag bahin sang Barangay 2 kag Rizal.Ginsiling ni Gustilo nga sa Barangay 1, naglab-ot tubtob sa hawak ang kadalumon sang tubig baha sa pila ka mga balay.Nag overflow ang suba rason nga ginbaha ang mga natungdan nga barangay suno sa alkalde.Gin-evacuate ang apektado sang baha.Pila na ka adlaw nga naga ulan sa San Carlos City pero nangin mabunok ang pagtupa sang ulan mga 5:30 sini nga hapon suno kay Gustilo.As of this posting, suno kay Gustilo nagtahaw na ang tubig baha.May pila na ka pumuluyo ang nagbalik sa ila nga puluy-an.

Kabankalan LGU photoPre-evaluation angut sa pagpatuman sang road clearing operation ang ginsakdag sang Department of the Interior and Local Government sa pagpamuno mismo ni Provincial Director Roselyn Quintana.Sa Kabankalan City, nagbisita ang inspection team sang Miyerkules, agudto ma-assess ang compliance sang LGU sa pagpabilin sang mga dalan nga obstruction-free.Suno sa PIO sang siudad nga si Jake Carlyne Tugbang, pila sa gindala sa igtalupangod sang LGU sang inspection team amo ang pag park sang pila ka mga salakyan kasubong sang tricycle sa mga lugar nga indi dapat pwede ma ka park.Ginhaylo naman ni Mayor Pedro Zayco ang LGU Road clearing team nga padayunon ang pagpatigayon sang monitoring.Ang national evaluation naman sang DILG ang natalana sa Enero 25, tigaylo sa...

Capitol PIOGin kumpirma ni Dr. Liland Estacion, ground commander sang Negros Oriental Inter-Agency Task Force nga may COVID-19 patient nga naka quarantine sa isolation center sang probinsya ang gin kawatan.Ang pasyente ang yara sa Tent City nga amo ang isolation center sang Negros Oriental LGU para sa pila ka mga COVID-19 patients sang probinsya. Ini ang nahamtang sa kilid sang Perdices Coliseum sa Dumaguete City.Suno kay Estacion, cellphone kag mga ID amo ang nakuha sa ginkawatan pero siya ang naka kuha sang impormasyon nga nabalik ang iban nga gamit kag ang cellphone lang amo ang gin kawat.Posible suno kay Estacion nga infected ang mga gamit nga gin kawat sang kawatan bangud sa ini ang nakuha sa positive nga COVID-19 patient.

BCPO photoDose shentos sisentay singko tanan ka mga persona ang ginpangmultahan sang PNP sa siudad sang Bacolod bangud sang wala pagsunod sa minimum health protocols.Base sa record sang Bacolod City Police Office, humalin sang pagsugod sang tuig kag as of January 14, may 143 na sila tanan ka mga persona nga gin isyuhan sang citation ticket bangud sang paglapas sang night curfew ordinance.May 110 man ka mga persona ang ginmultahan bangud sang wala pagsuksuk sang face mask, 5 ang wala nagasuksuk sang face shield kag pito ang wala pagsunod sa social distancing.Base sa ordinansa sang siudad, kinahanglan nga magbayad sang multa sa City Treasurer’s Office ang mga ma isyuhan sang citation ticket.May 693 man ka mga rekurida nga ginpatigayon ang pnp kag 450 ka mga random checkpo...

San Carlos PNP photosGindakop sang kapulisan ang 30 anyos nga si Ronnie Arile nga ginakabig notorious nga kawatan sa siudad matapos ini ma identify nga amo ang nag kawat sang P250,000 nga balor sang alahas sa isa ka baligyaan sa Dalan Carmona sa San Carlos City sang Martes sang kaagahon.Suno sa pulis, na identify si Arile paagi sa CCTV sang baligyaan nga iya ginsulod.Nakuha sa baligyaan ang alahas nga naga balor sa P250,000 pati na ang P4,000 nga cash.Nabawi sa suspek ang cash kag siya ang nakuhaan pa sang anum ka sachet sang ginapatihan shabu.Ila pa padayon usisa ang suspek kun sa diin ang alahas nga iya gin kawat.Kaso nga robbery kag paglapas sa RA 9165 ang ginpasaka na batuk sa kay Arile.

Sumugod sa madason nga semana mas temprano na nga pagasuguran sang Central Negros Electric Cooperative ang ila preventive maintenance agud nga indi na maglawig sa isa ka adlaw ang scheduled nga mga brownout.Ini ang ginpahayag sang project supervisor kag acting general manager sang CENECO nga si Atty. Danny Pondevilla.Suno sa iya, may yara sang mga ti-on nga nagalawig sa halos isa ka adlaw ang scheduled brownout bangud sang ginapatigayon nga preventive maintenance sang CENECO sa ila nga mga poste.Luyag niya nga kaagahon pa lamang suguran na ang trabaho sang ila mga lineman samtang nagakatulog pa ang kadam-an sang mga pumuluyo agud nga malip-ot na lamang nga mga inoras sa aga ang brownout.“Indi mo ni malikawan ang maintenance nga dapat ma brownout ka for the safety man sang a...

Cauayan PNP photoTigayon kahapon nga nadakop sang Cauayan PNP ang mister nga si Eduardo Mediona nga amo ang suspek sa pagpatay sa iya mismo misis nga si Precilla Miyerkules sang hapon sa Barangay Yao yao sa banwa sang Cauayan.Ang mister ang nagpatay sa iya misis paagi sa pag laslas sa liog sa atubang pa sang iya mga anak nga suno sa pulis bangud sang ila away angut sa pag gasto sang kwarta sang mister nga sadto gina padala sang misis sang siya ang naga trabaho pa sa Manila.Suno kay Major Lowell Garinganao, hepe sang Cauayan PNP, ang suspek ang nakita nga naga panago sa nabukid nga bahin sa ila man sa gihapon nga barangay.Siya ang nagpanago lang sa lasang suno sa pulis.Ini ang gin pahibalo sang mga residente sa otoridad kabangdanan nga siya ang nadakpan.Natukiban nga...

79IB photoDuha ka adlaw matapos sang gin report nga presensya sang New People's Army sa Hacienda Ambulong, Barangay San Fernando sa siudad sang Talisay, kahapon tigayon nga nadakop sa area ang isa ka babayi nga gina alegar miyembro sang NPA.Nagapatigayon sang monitoring ng tropa sang 79th Infantry Battalion sa lugar sang ila madakpan ang gina patihan NPA member nga si Ruffa Baynosa.Natukiban man sang Talisay nga si Baynosa ang may warrant of arrest sa kaso nga murder kag duha ka warrant of arrests sa kaso nga frustrated murder.Kabahin siya suno sa army sa mga armado nga NPA members nga imbolbado sa pag ambush sa mga sibilyan nga sakay sa utility truck sang Hulyo 2009 sa Toboso kun sa diin tatlo ang napatay kag tatlo ang nasamaran.Detained na karon sa Talisay PNP si Bayn...

Sa sini nga 28 ektarya nga duta sang panguluhang probinsyal sa Talisay City luyag isaylo ang Kapitolyo Probinsyal.Yara lang ini sa kilid mismo sang Bacolod-Silay Airport Road. Madugay na ini nga propedad sang probinsya kag bangud sang naga ginutok na ang palibot sang kapitolyo kag tuman ang traffic, diri luyag isaylo sang provincial government ang bag-o nga kapitolyo.Kahapon via unanimous decision, ginkasugtan sang tanan nga mga alkalde nga isaylo sa Talisay City ang Provincial Capitol.Sang mahibaluan ini ni Punong Barangay Jose Toledo, malipayon sila nga mga residente sang Efigenio Lizares kay man mangin mahapos na ang pag padulong sa talatapan sang gobyerno.Magluwas diri, nakahibalo siya nga maga bag-o ang lakat sang ekonomiya sang barangay. Kun katubuhan kag pamalay lang...