Sa sini nga 28 ektarya nga duta sang panguluhang probinsyal sa Talisay City luyag isaylo ang Kapitolyo Probinsyal.
Yara lang ini sa kilid mismo sang Bacolod-Silay Airport Road. Madugay na ini nga propedad sang probinsya kag bangud sang naga ginutok na ang palibot sang kapitolyo kag tuman ang traffic, diri luyag isaylo sang provincial government ang bag-o nga kapitolyo.
Kahapon via unanimous decision, ginkasugtan sang tanan nga mga alkalde nga isaylo sa Talisay City ang Provincial Capitol.
Sang mahibaluan ini ni Punong Barangay Jose Toledo, malipayon sila nga mga residente sang Efigenio Lizares kay man mangin mahapos na ang pag padulong sa talatapan sang gobyerno.
Magluwas diri, nakahibalo siya nga maga bag-o ang lakat sang ekonomiya sang barangay. Kun katubuhan kag pamalay lang ang ila palibot kag subong may mga nag tuhaw nga subdivision, ginapaabot nila ang pagtin-ad sang mga naga palibot sang bag-o nga kapitolyo.
Damlag pa ginsiling na ni Governor Eugenio Lacson nga ang pagsaylo sang kapitolyo wala man nagakahulugan sang pag ilis sang capital sang Negros Occidental. Gamiton sa gihapon kag i preserve ang daan ang Capitol.
Tuyo man nila nga butangan sang national offices mismo sa bag-o nga kapitolyo para mangin one stop shop. May yara na nga daan sang existing nga pondo para sa pagpatukod sang capitolyo nga may kapin sa isa ka bilyon ka pesos.