Balita Hiligaynon

Tayuyon na ang pag saka sang demand para sa baboy.Ini suno kay Dr. Renante Decena ang provincial veterinarian.Sa una nga duha ka semana sang Disyembre pa lamang masobra sa 3 mil na ka mga baboy ang na ship out san probinsya sa mga lugar sa Luzon nga na-igo sang African Swine Fever.Sang Nobyembre 4, 500 ang kabilugan nga na ship out kag suno kay Decena malampuwasan ini sa bulan sang Disyembre labi na nga may duha pa ka semana nga nabilin.Pero maluwas sini, amat-amat naman nga naga saka ang local demand dala na sang holiday season.Dugang pa gid diri ang kampanya sang probinsya batuk sa mga pork meat products nga gina baligya online labi na nga indi masiguro ang source sini.Suno kay Decena ang amo nga kampanya nagtuga sang local demand para sa mga locally produced pork...

Department of Health ang nagapahanumdum sa mga ospital nga mangin handa sa posibilidad sang pagsaka sang mga kaso sang COVID-19 sini nga bulan sang paskwa ukon sa pagsulod sang bag-ong tuig.Ginpahayag sang deputy for medical sang Bacolod Emergency Operations Center nga si Dr. Chris Sorongon nga ila igasapul ang mga tiglawas sang pito ka mga ospital sa siudad para maisturyahan ang ila pagpanghanda nga himuon.Sa karon, may yara sang dos shentos uno ka mga COVID-19 hospital beds sa mga ospital sa siudad kag 26 porsiento lang sa karon ang okupado.Gani kampante ang EOC nga indi makulangan sang COVID-19 beds sa mga ospital.Pero ang ginakahangaw-an sa karon sang EOC amo ang nagasaka nga hospital admissions sa mga pediatric ward sang mga ospital tuga sang respiratory problems sa mg...

BCPO photoPatay ang 35 anyos nga si Mitchelle Yap matapos siya tiruhon sang riding in tanden kagab-i sa Purok Maanyag sa Barangay Alijis.Sa imbestigasyon sang PNP, naga tindog lang sa bangga ang biktima sang gilayon kang siya punduhan kag tiruhon sang wala pa makilal-an nga mga persona sakay sa motor.Lima ka beses nga gintiro si Yapnnga nag resulta sa iya kamatayon.Suno kay Police Lieutenant Conrado Espino nga pamuno sang Police Station 7, posible madugay na nga dumot amo ang motibo sa pagpatay sa biktima.Si Espino nag siling man nga ang iloy sang biktima ang nag tuad nga naga usar sang iligal nga droga si Yap pero wala siya sa watchlist sang PNP suno sa pulis.Padayon pa ang imbestigasyon sang kapulisan.

Capitol file photoGinabatun na sang probinsya sa mga healing center sini sa Cadiz City kag Silay City ang mga nag pinauli nga stranded individual sa bulan sang disyembre nga indi na ma accomodate sang ila tagsa ka banwa kag siudad.Suno kay Atty Rayfrando Diaz ang Provincial Administrator, luyag sang probinsya nga mabatunon ang tanan nga mga na stranded gani ginabuligan nila ang mga LGU nga na overwhelm na ukon napuno na ang mga quarantine facility. Kun mapuno pa gid ang facility sang probinsya sa Silay kag Cadiz mahimo nga pati ang mambukal ipagamit para sa mga LSI suno kay Diaz.Sa datus sang Provincial Incident Management Team as of Dec. 8, malapit 2,500 ka mga LSI ang nag inabot humalin Disyembre 1. Sa Domingo gin aprobahan man ang incoming flights sang PAL kag Cebu Pacific p...

Nocppo photosPatay ang Incident Commander sang local Inter-Agency Task Force sang Guihulngan City nga si Dr. Mary Rose Sancelan kag iya mister nga si Edwin Sancelan matapos sila tiruhon sang riding in tandem kahapon sang hapon sa sulod sang ila gina istaran nga subdivision sa Barangay Poblacion sa Guihulngan City.sa imbestigasyon sang Guihulngan PNP, nagapapauli ang mga biktima gikan trabaho sakay sa ila motorsiklo, sang sila ang gintiro sang riding in tandem.Madamo sang igu sang bala ang mag asawa pati na sa ulo.Suno kay Police Lieutenant Colonel Bonifacio Tecson, hepe sang Guihulngan PNP, madamo sila sang GINA LAnTaw nga ANGGULO kun ngaa ginpatay ang mag asawa pero indi lang anay ini nila ipalayag samtang padayon pa ang imbestigasyon.Nagtukod naman sang task force ang...

Sagay PNP photoPatay ang 31 anyos nga si Erwin Yu matapos tiruhon sang riding in tandem kahapon malapit sa Barangay Hall sang Old Sagay sa Sagay City.Sa imbestigasyon sang Sagay PNP, naga sakay sa trisikad ang biktima padulong sa barangay hall sang siya ang gintiro sang backrider sang motor nga naga sunod sa iya.Patay na sang mag abot sa ospital si Yu.Pito ka empty shells sang caliber 45 ang nakuha sa crime scene.Natukiban nga si Yu ang ginluthang man sang riding in tandem sa gwa sang iya nga balay sa banwa sang Toboso sadtong Nobyembre 26 pero siya ang nakaluwas sa naagum nga pilas tuga sang igu sang bala.Gina imbestigaran karon sang PNP ang motibo sa pagpatay sa biktima.

Victorias PNP photoPatay ang duha ka persona nga sakay sa motorsiklo matapos mag bunggo ang ila ginasakyan sa isa ka bus Lunes sang gab-i sa national highway sa Victorias City. Ang biktima amo sanday Earl Sorilla kag iya backrider nga si Richard Christian Casin.Sa imbestigasyon sang Victorias PNP, nag paliko na ang bus nga masulod na kun tani sa terminal ugaling nag diretso pa ang motorsiklo kag nag rekta ini bunggo sa kilid sang bus. Dead on arrival sa ospital sanday Sorilla kag Casin. Na release&nb...

Ginpahayag ni Bacolod Vice Mayor El Cid Familiaran nga indi matuod ang nagalapata nga impormasyon sa social media nga ipaidalum sa lockdown ang siudad sini nga bulan sang paskwa.Suno sa bise alkalde, wala sang rason nga ipaidalom sa lockdown ang Bacolod bangud padayon ang pagnubo sang mga bag-o nga kaso sini sang COVID-19.Humalin sang nagligad nga semana, wala nagalapaw sa 15 ang bag-o nga kaso sa siudad base sa record sang Department of Health Regional Office.Ginpahayag ni Familiaran nga dapat likawan ang pagpalapta sa social media sangmga fake news bangud nagatuga ini sang kakulba sa pumuluyo.Nagapahanumdum man si Familiaran sa publiko nga magsuksuk gid sang face mask kag face shield kun magwa sa panimalay kag magsunod sa social distancing.Kahapon nagpagwa man sang ma...