Patay ang Incident Commander sang local Inter-Agency Task Force sang Guihulngan City nga si Dr. Mary Rose Sancelan kag iya mister nga si Edwin Sancelan matapos sila tiruhon sang riding in tandem kahapon sang hapon sa sulod sang ila gina istaran nga subdivision sa Barangay Poblacion sa Guihulngan City.
sa imbestigasyon sang Guihulngan PNP, nagapapauli ang mga biktima gikan trabaho sakay sa ila motorsiklo, sang sila ang gintiro sang riding in tandem.
Madamo sang igu sang bala ang mag asawa pati na sa ulo.
Suno kay Police Lieutenant Colonel Bonifacio Tecson, hepe sang Guihulngan PNP, madamo sila sang GINA LAnTaw nga ANGGULO kun ngaa ginpatay ang mag asawa pero indi lang anay ini nila ipalayag samtang padayon pa ang imbestigasyon.
Nagtukod naman sang task force ang Guihulngan PNP suno kay Tecson agud ma tutukan ang kaso.
Ginkasubo naman sang Guihulngan City Inter-Agency Task Force ang pagkamatay ni Dr. Sancelan nga amo man ang city health officer sang siudad, ilabi na nga nangin dako nga instrumento suno sa ila si Sancelan sa paghagan hagan sang pagsaka pa gid sang kaso sang COVID-19 sa Negros Oriental.
Sila ang nagapangayo man saNg hustisya sa kamatayon sang mag asawa.
Ginkundenar man sang Karapatan Negros Island ang pag patay sa magasawa.
Suno sa grupo, kabahin si Dr. Sancelan sa hitlist sang isa ka anti communist vigilante group nga nalakip man ang pangalan sang ginpatay sadto nga abogado sa Guihulngan nga si Atty. Anthony Trinidad.