Patay ang 31 anyos nga si Erwin Yu matapos tiruhon sang riding in tandem kahapon malapit sa Barangay Hall sang Old Sagay sa Sagay City.
Sa imbestigasyon sang Sagay PNP, naga sakay sa trisikad ang biktima padulong sa barangay hall sang siya ang gintiro sang backrider sang motor nga naga sunod sa iya.
Patay na sang mag abot sa ospital si Yu.
Pito ka empty shells sang caliber 45 ang nakuha sa crime scene.
Natukiban nga si Yu ang ginluthang man sang riding in tandem sa gwa sang iya nga balay sa banwa sang Toboso sadtong Nobyembre 26 pero siya ang nakaluwas sa naagum nga pilas tuga sang igu sang bala.
Gina imbestigaran karon sang PNP ang motibo sa pagpatay sa biktima.