Sa video nga kuha ni Pompe Junior… gikan sa BREDCO Port makita na ang pagpuog sang madamol kag itom nga aso sa Barangay 10 kaina sang aga sa kilid lang sang SM City Bacolod.
Samtang naga palapit nga naga palpit makita ang naga daba daba nga kalayo.
Nag untat ang kalibutan sang tanan… mga residente, kag mga dryber sang tricycle kag trisikad para saksihan ang madasig nga pag dako sang kalayo kag mas naga puog nga aso….
Suno kay Ems, isa sa mga boarders sa nasunog nga balay, ahaw ahaw nga mga bayo lang ang iya nga na salbar bangud madasig nga nagdako ang kalayo.
Suno kay Jim Alit las sais pa lang sang aga nag ebwal ang kalayo gani wala na siya kapang himos sang gamit kag iya na lang gin una pamukaw ang iya apat ka mga kabataan.
Maswerte na lang kay wala malab-ot sang kalayo ang ila nga balay.
Ang ini naman nga grupo sang mga kabaabinhan ang gikan pa sa misa de gallo kag ginpahibalo na lang nga may sunog sa lugar amo kun nga nag hingaw sila binalik para kamustahon ang ila nga himata nga naga puyo diri
Suno sa kay Bacolod City Fire Marshall Chief Insp. Publio Plotena anum ka mga balay totally destroyed kag tatlo ang partially damaged. Sa ila pag usisa gikan sa wala mapatay nga kandila ang kalayo. May namatyan abe sa lugar.
Gikan sa ila opisina nakita na mismo sang naga duty nga mga bomero ang naga puog nga aso amo kun ngaa gilayon sila naka responde. Ugaling wala sang alagyan kag naga inikit ikit ang mga pamalay sa sulod nga himo sa mga bagay nga madasig masunog.
May isa man ka bombero kag isa ka residente ang nasamaran sa sunog pero luwas na sa katalagman.