Balita Hiligaynon

Bacolod DRRMO photoPilason ang isa ka babayi matapos siya kagab-i nga ma side swipe sang isa ka motorsiklo sa bahin sang CL Montelibano drive sa Barangay Villamonte.Sandig sa imbestigasyon sang DRRMO Bacolod, naga panglakaton lang sa kilid sang dalan ang babayi sang nadulaan sang control ang naga dala sang motorsiklo gani iya nga naigu ang babayi nga yara sa side walk.Pilason ang babayi matapos ma side swipe. Ang duha ka lalaki nga naga angkaasanay sa motorsiklo ang pilason man matapos matumba ang ila nga motor.Lunsay naka inom ang duha suno sa mga responders.Pareho nga ginabulong sa ospital ang tatlo ka mga napilasan.

Sini lamang ginlunsar ang Negros for Leni kag nag gwa man ang panawagan para kay Mayor Sara Duterte para sa 2022 elections.Suno kay Negros Occidental Governor Eugenio Jose Lacson, indi siya kabahin sang ano man nga grupo.Sa iya nga bahin maga hulat siya sang filing sang certificates of candidacy kag amo ang pag desisyon kun sin-o ang iya nga mangin kandidato para sa masunod nga piiliay.Kun may mga tarpaulin man nga makit-an sa nagkalain lain nga bahin sang siudad suno kay Lacson pwede lang man basta wala ini sa government property.

Sa madason nga semana na magasugod ang pagparehistro sang DepEd para sa mga estudyante sa school year 2021-2022.Ginpahayag ni Bacolod Schoools Division Superintendent Dr. Gladys Amylaine Sales nga ginahulat na lamang nila ang memorandum gikan sa ila national office kun paano patigayunon ang registration.Kada tuig, bulan pa lang sang Enero nagasugod na ang registration sang DepEd para sa palaabuton nga school year.pero karon nga pandemya sini nga bulan na sila sang Marso magasugod.Automatic na nga i-register sang deped ang mga estudyante nga naka enroll na kag magapadayon sa madasun nga school year.Sa mga ginikanan naman nga luyag isaylo ang ila kabataan sa iban nga buluthuan kinahanglan gid sila nga magpahibalo sa manunudlo sang bata.Indi pa karon mapat-od kun sarang na...

Mga health workers sa duha ka mga ospital sa Bacolod City ang natalana nga pagabakunahan batuk sa COVID-19 sa ti-on nga mag abot ang bakuna nga Sinovac sa Domingo.Ginpahayag sang deputy for medical sang Bacolod Emergency Operations Center nga si Dr. Chris Sorongon nga mga health workers sang Corazon Locsin Montelibano Memorial Regional Hospital kag Riverside Medical Center ang una nga pagabakunahan bangud ginakabig ini nga mga hospital bilang primary healthcare institutions.May 16,000 ka mga dose sang Sinovac vaccine ang ginhatag sang department of health para sa Western Visayas kag kapin 3,500 ka mga bakuna ang ihatag sa duha ka mga ospital sa Bacolod.Pero ginpahayag ni Sorongon nga indi tanan nga health workers sa amo nga mga ospital ang luyag magpabakuna sang Sinovac gani ma...

Ginaduso ni Provincial Administrator Rayfrando Diaz ang paghatag sang vaccine passport para sa free travel sa mga yadtong magasugot mag pa bakuna kontra COVID-19.Ginsiling kahapon ni Atty. Diaz nga iya iga propose kay Negros Occidental Governor Eugenio Jose Lacson nga ang mga yadtong magasugot magpabakunaa mahatagan sang passport para sa ila ang makabiyahe sa luyag nila nga kaladtuan.Suno sa administrator kasubong ini nga incentive para sa mga una nga maga pabakuna.Nagalaum siya nga sa amo nga pamaagi maga damo ang maga pabakuna ilabi na karon nga madamo naman sang gusto nga magbakasyon kag mag biyahe.Ang vaccine passport suno kay Diaz ginalauman nga maga tugot sa natungdan nga maka padulong sa diin nga bahin sang pungsod nga wala sang restriction kasubong sang RT-PCR test ...

Joann Visitacion photoBacolod Emergency Operations Center ang nagsapul sa tanan nga mga tag-iya sang establisimiento komersyal sa palibot sang Bacolod City Government Center para magpahanumdum sa ila sang minimum health protocols.Isa sa mga gin isturyahan amo ang nagluntad nga gina alegar pre-Valentine concert sa The Marketplace sang nagligad nga bulan.Suno sa deputy for medical sang Bacolod EOC nga si Dr. Chris Sorongon, ginpaathag sang mga tenants kag magagmay nga negosyante sa amo nga lugar nga wala sang concert nga natabo kundi may isa lang sa ila nga nagkanta para maghatag sang diutay nga kalingawan kag madamo sang nagpamati.Wala sang pagsupak sang local health protocols bangud nagasuksuk sang face mask, face shield kag nagasunod sa physical distancing ang tanan.Na...

Negros Oriental ang maga quarantine kag maga swab test sa gihapon sang mga maga pauli sa probinsya gikan sa luwas kag maga pangayo sang RT-PCR test sa mga local travelersIni sa tunga sang gin pagwa nga uniform travel protocol sang DILG nga kun sa diin nasaad nga indi na kinahanglan mag paidalom sa quarantine kag mag pa swab test ang mga maga sulod sa tagsa ka LGU.Suno kay Dr. Liland Estacion, pamuno sang IATF sa Negros Oriental, ila sa gihapon nga i require nga mag paidalom sa mandatory quarantine ang mga maabot sa probinsya gikan sa luwas bangud sang bag-o nga variant sang COVID-19. Sila ang i paidalom man sa swab test sa ila nga pag pauli.Ang probinsya ang maga require man sang negative RT-PCR test para naman sa mga local travelers nga mag kadto ukon maga balik sa negros orie...

Rennier Araco Jr photoPilason ang wala pa mkailal-an nga gunman matapos siya nga gin tiro, gin buno kag gin pulihan sang iya target kag iban pa nga mga nakakita sa pag paniro, sa Barangay Bagacay sa Dumaguete City kagab-i.Sa imbestigasyon sang Dumaguete City PNP, naga pungko lang sa isa ka kalan-an sa amo nga barangay ang 45 anyos nga si Sandy Tinguha sang siya ang gin tiro sang gunman.Wala maigu si Tinguha gani iya gin habuy sang bangko ang suspek kag nag palagyo.Sang wala maigo sang bala si Tinguha, sunod nga gin lagas sang gunman ang iya isa pa ka target nga amo si Jason Ong kag gin tiro sang makapila ka beses samtang iya ini gina laot.Wala niya man maigu si Ong.Sang makita sang mga yara sa palibot ang pag paniro sang gunman, may isa ka nakakita sang insidente ng...

Isa sa plano ni Bacolod City Police Office Director, Colonel Manuel Placido para siudad, amo nga madugangan na ang police stations bangud sang pag damo sang populasyon ilabi na sa pila ka mga police station sa karon.Lima ka police stations ang luyag nga dugang ni Placido sa karon 10 ka police station sa Bacolod.Suno kay Placido may mga police stations diri sa siudad gnga tuman ka dako ang area of responsibility gani kinahanglan nga matunga ini.Isa sa diri suno sa iya amo ang Police Station 4 nga may estimated population nga 105,000.Pila pa sa mga police stations nga may dalagko nga area suno sa iya amo ang station 3, 7 kag 8.Pero gin dugang ni Placido nga mahimo sa masunod nga lima tubton napulo ka tuig pa ini nga ma materialize bangud nga kinahanglan pa man ini nga ma ...

Hinyuon sang Progressive Alliance of Capitol Employees ang pagkakas sa pamuno sang Human Resource Management Office sang probinsya.As of press time natalana nga iga submit sang PACE ang ila nga gin kasugtan nga petition kontra kay Atty Anabelle Palic.Suno kay Renelo Lastierre ang presidente sang PACE, pila sa luyag nila nga ipadangat sa gobernador amo ang suno sa ila pag deduct sa leave credits sang mga empleyado sa tion sang sila ang ginpaidalom sa quarantine nga taliw-as naman sa provision sang Civil Service Commission suno sa ila.May mga retirees man nga naga reklamo suno kay lastierre sang pamaagi sa pag process sang ila nga retirement nga naga lakip sang benepisyo gikan sa GSIS.Kuntani suno kay Lastierre ang pamuno sang HRMO magabulig pahapos sa mga kinahanglanon sang ...