Balita Hiligaynon

Nag lab ot na sa 100 ang active cases sang COVID-19 sa Negros Oriental matapos madugangan naman sang 38 ka bago nga mga kaso sang COVID-19 kahapon (October 29).21 sa bago ka mga kaso ang yara sa siudad sang Bayawan.Anum sa Guihulngan City, tig tatlo sa Tayasan, La Libertad kag Sta. Catalina kag duha sa Bais City.Ang siudad sang Bayawan amo na sa karon ang may pinakadamo nga active cases sang COVID-19 sa Negros Oriental.308 na tanan ang kaso sang COVID-19 sa Negros Oriental, 202 sa diri ang nag ayu na kag 6 ang napatay.

BCPO photoPatay na sang maabtan sang iya pamilya ang 53 antos nga si Gaudioso Empase, sakay sa iya tricycle sa dalan sa Purok Fatima sa Barangay Sum-ag.Sa imbestigasyon sang PNP, papauli na kun tani si Empase upod ang iya paka isa sang hinali na lang siya nga gintiro sang riding in tandem nga wala pa makilal-an.May igu sang bala sa ulo kag abaga si Empase.Suno kay Police Lieutenant Colonel Ariel Pico, spokesperson sang BCPO, indi man ma locate tubtob karon ang paka-isa sang biktima nga iya kaupod sa pag biyahe.Indi pa matumod sang PNP kun ano ang motibo sa pag patay kay Empase kag ila lang karun ginatutukan ang anggulo nga personal nga dumot.

Murcia PNP photoArestado ang tatlo ka mga lalaki matapos gina alegar nagpamahug sa mga mangunguma bangud sang away sa duta sa Sitio Sumbinco, Brgy Damsite sa Murcia, kahapon sang aga (October 29).Ang mga gin aresto amo sanday Eldegarde Ramatico, Aldy Fernandez kag Clemente Delos Santos Jr.Suno kay Police Lieutenant John Paul Tabujara, hepe sang Murcia PNP, ila akto man nga naabtan ang tatlo nga naga dala sang armas.Nakuha sa ila ang tig isa ka 357 caliber revolvers kag mga bala.Samtang, arestado man ang 70 anyos nga si Noemi Espeleta matapos makuhaan sang mga armas sa search warrant operation sang kapulisan sa Barangay Canturay sa Sipalay City.Sipalay PNP photoAng kapulisan ang nag patigayon sang search warrant sang isa ka subject pero sa ila pag abot sa balay, ...

BCPO photoPilason ang barangay tanod nga naga guwardiya man sa Providence Subdivision sa Barangay Granada matapos siya bun-on sang lalaki nga gina alegar may diperensya sa pamensaron.Bread knife pa ang gin gamit sang lalaki nga nag buno sa tanod nga si Ereneo Laurilla.Sa imbestigasyon sang Police Station 5, matapos nga bun-on ang iya upod, ang isa ka tanod nga si Reylan Silvino amo ang nagbalos kag iya gintiro ang suspek nga nagbuno.Pareho nga gina bulong karon sa ospital si Laurilla kag ang suspek.Gin detain naman sa Polica Station 5 si Silvino.

Biyahe sang mga fast craft ang maga balik na sa Sabado.Suno sa pamuno sang Philippine Coast Guard sa liwat nga pagbalik biyahe sang fast craft padulong Iloilo tig isa lang anay ka trip tagsa ka shipping line.Mahimo nga panilagan anay sang mga operator ang dalagan sang biyahe, suno kay Lt. Commander Jansen Benjamin.Sa Sabado ang Ocean Jet may biyahe 8:30 am padulong Iloilo kag 2:30 pm pabalik Bacolod.May biyahe man ang Weesam Express. 9:50 am ang Iloilo-Bacolod kag 3:50 pm naman ang Bacolod-Iloilo.Sa Domingo na maga biyahe balik ang Supercat.

As of October 28, wala na sang active COVID case ang banwa sang Don Salvador Benedicto.Ang pinaka ulihi nga kaso nga na-record sang banwa ang nag negatibo na sa virus sandig sa iya nga swab test result.Suno kay Mayor Marxlen Dela Cruz, sa karon may yara na lamang sang tatlo ka persona nga gina-monitor ukon gina kabig nga PUM sa DSB.Sila ang yara sa quarantine facility sang banwa.“The most number namon was three. One at a time. Anyway we cannot be complacent about it. Bantay gyapon. Steady kami gyapon sa pagbantay,” suno kay Dela Cruz.Sumugod Oktubre 16, nangin bukas na ang borders sang Salvador Benedicto.Suno sa alkalde makita ang liwat nga pagbalik sang mga bisita sa banwa ilabi na sa mga kapehan. Wala labot nga gina sayo naman gid nga daan ang DSB nadugangan pa gi...

Ginpasar na sa third and final reading ang ordinansa nga nagamando sa publiko sa pagsuksuk sang face shield sa pila ka mga pampubliko nga lugar sa Bacolod City.Ini ang nag-amend sa ordinansa nga damlag pa ginpasar man sang Sangguniag Panlungsod nga nagamando sa pagsuksuk sang face mask kag pagsunod sa physical distancing sa pampubliko nga mga lugar.Base sa bag-o nga ordinansa, mandatory naman ang pagsuksuk sang face shield sa sulod sang mga “supermarket, public markets, malls, venues for meetings (private or government service initiated), venues where private or government services are provided, all enclosed offices or establishments doing business, public transportation or public utility vehicles and enclosed work places.Ang magasupak sini ang may nagakaigo man nga multa.

Antes mag sira ang patyo sa bwas may gina hingagaw pa lubong kaina sang aga sa Rolling Hills Memorial Park sa Bacolod.Halos kadam-an sa mga pantyon may mga bulak na, patimaan nga may naka bisita na diri.Sanday Fe Villaquatro kag ang iya sini nga utod ang tatlo na ka dekada nga naga paninlo sang mga pantyon.May tag stenta sila ka mga kliyente kag gina tatap nga mga pantyon pero subong ahaw ahaw pa lang ang naka pakita.Suno sa ila, sa kalawig nga pagpangabuhi nila sa patyo, subong lang sila naka batyag sang amo sini nga puraot nga tigkalalag.May naka standby nga ambulansya sa sulod sang memorial park.Ililisipon ang mga pamilya nga yara sa patyo kaina sang aga bangud suno sa mga naga paninlo sang weekend kalabanan nag kinadto.Sa public cemetery naman sa Barangay Gr...

Kun may yara man sang variance ukon wala nagasanto ang gina report nga statistics sa kaso sang COVID-19 sa probinsya, ini natungod nga may delay sa releasing sa report.Paathag ni Atty. Rayfrando Diaz II, ang provincial administrator sang Negros Occidental, sumugod sang Setyembre uno may bag o nga MIS program para sa reporting sang COVID-19 cases.Ini ang mas madasig, kag nagatuyo nga malikawan ang ano man nga human error. Wala labot diri ini ang para sa gilayon nga pag pat-od sa nag positibo kag mapatuman ang gilayon nga aksyon sang tagsa ka LGU.Suno kay Diaz ang figures nga gina release sang DOH ang may delay sang tatlo tubtob lima ka adlaw bangud nga ini ang naga agi sa pila ka proseso kasubong sang counter checking kag mag pila pa ka mga signatories antes gina release.Sun...

Wala nagapanukot ang Barangay tangub sa Bacolod sa ano man nga bulig nga gina hatag sini sa pumuluyo nga naga hinyo sang assistance sa pag pa register sa BaCTrac.Suno kay OIC Punong Barangay Luz Atienza, ang nag gwa sa report nga may isa ka pumuluyo nga ginpabayad sang 35 pesos para sa BaCTrac registration ang indi matuod.Paathag niya sang nagligad pa nga semana nagpadulong sa barangay ang natungdan. Ugaling wala pa nagsugod sa paghatag assistance ang barangay rason nga gin refer siya sang isa ka barangay staff sa isa ka pribado nga indibidual sa isa man ka purok nga nagsukot sa iya sang printing kag lamination sang ID.Suno kay Atienza, Martes na nagsugod ang help desk para sa BaCTrac sa Barangay Tangub kay Lunes na naka seminar ang in charge. Bukas ini sa pumuluyo kag libre su...