Arestado ang tatlo ka mga lalaki matapos gina alegar nagpamahug sa mga mangunguma bangud sang away sa duta sa Sitio Sumbinco, Brgy Damsite sa Murcia, kahapon sang aga (October 29).
Ang mga gin aresto amo sanday Eldegarde Ramatico, Aldy Fernandez kag Clemente Delos Santos Jr.
Suno kay Police Lieutenant John Paul Tabujara, hepe sang Murcia PNP, ila akto man nga naabtan ang tatlo nga naga dala sang armas.
Nakuha sa ila ang tig isa ka 357 caliber revolvers kag mga bala.
Samtang, arestado man ang 70 anyos nga si Noemi Espeleta matapos makuhaan sang mga armas sa search warrant operation sang kapulisan sa Barangay Canturay sa Sipalay City.
Ang kapulisan ang nag patigayon sang search warrant sang isa ka subject pero sa ila pag abot sa balay, ila nakita ang 70 anyos nga lola nga naga dali dali panago dala ang bag nga itom.
Sang gin usisa sang kapulisan, nakuha didto ang duha ka nagkalain lain nga armas kag mga bala.
Detained karon ang lola.