Balita Hiligaynon

Sa 858 ka mga market vendors kag empleyado sang siudad sang Bacolod nga ginpaidalom sa surveillance testing, 13 ang nag positibo sa COVID-19.Ini ang ginkumpirma ni Dr. Chris Sorongon, Deputy for Medical sang Emergency Operations Center sang Bacolod.Ang 13 ang gikan sa nagkalain lain nga mga talatapan sang gobyerno. 12 taga Bacolod kag ang isa taga Bago City.Sila ang ika tatlo na nga batch sang market vendors kag city employees nga ginpaidalom sang siudad sa surveillance testing.Sa madason nga semana masobra 1000 ka mga barangay health workers ang natalana ipaidalom sa surveillance testing.Magasunod ang gikan sa public transport sector kag food delivery services.

Isa ka 50 anyos nga pulis nga naka assign sa Hinobaan PNP ang napatay sang Martes bangud sang COVID-19.Ini ang ginkumpirma ni Police Lieutenant Wilma Silva, Deputy PIO sang Negros Occidental Police Provincial Office.Suno kay Silva, Setyembre 28 sang nagahimos ang pulis sa iya balay sa Hinigaran agud mag duty na kun tani padulong sa Hinobaan sang maglain ang iya pamatyag kag magpamalhas.Gindala siya sa ospital kag ginpaidalom sa swab test. Kag sang Setyembre 30 nag positibo SIYA sa COVID-19.Sang Martes naman Nobyembre 3, nagtaliwan siya.Siya ang una nga pulis sa probinsya nga napatay bangud sang COVID-19 suno kay Silva.36 na tanan ka pulis sang NOCPPO ang nag positibo sa COVID-19 pero wala man sang active cases sa karon suno sa deputy PIO.

John Anthony Ledesma photoIsa ka hearing ang ginpatawag sang Sangguniang Panlungsod sang Bacolod para sa panawagan sang Bacolod Employers Union nga bulig sa tunga sang negatibo nga epekto sag COVID-19 pandemic sa ila negosyo.Ang BEU ang isa ka grupo sag mga micro, small and medium enterprises sa siudad.Suno sa presidente sang grupo nga si John Anthony Ledesma, madamo sang ila mga miembro ang tuman nga naapektuhan sa ginapatuman nga community quarantine bangud indi pa makabalik sa normal ang lakat sang negosyo samtang yara pa ang pandemic.Sila ang nagsulat sa SP para hinyuon ang pagpasar sang resolusyon nga nagapatuman sang 50 tubtub 60 porsiento nga adjustment ukon discount sa ila ginabayaran nga building rental fees tubtub nga makabalik sa normal ang ekonomiya.Nagapang...

Ang City Legal kag General Service Offices, Talisay City Hall ang temporaryo sirado sumugod subong nga adlaw, Nobyembre 3.Base sa abiso sang Talisay Human Resource and Management magapatigayon sang disinfection sa mga talatapan kasubong man contact tracing.Magapahibalo ang siudad kun san-o liwat magabukas ang ini nga mga talatapan.Samtang, base sa report sang Talisay City Health Office may tatlo ka dugang nga kaso sang COVID-19 ang Talisay samtang may yara man dugang nga isa ka kaso nga nag ayo kag isa ang napatay.Sa kabilugan may yara na ang siyudad sang 594 ka confirmed nga mga kaso. 21 na lang ang nabilin nga active cases.

Ginpahayag ni Lt. Commander Jansen Benjamin, pamuno sang Philippine Coast Guard–Negros Occidental, nga tubtub subong ginapatuman sa gihapon sang probinsya ang travel restrictions kun sa diin mga Locally Stranded Individuals, Authorized Persons Outside Residence kag mga essential cargoes lang anay sa gihpon ang ginapahanugutan nga magtabuk sa probinsya sang Cebu kag pabalik pinaagi sa roro vessels.Yara sa idalum sang Modified General Community Quarantine ang Negros Occidental kag kinahanglan sa gihapon sang travel documents ang pagkadto sa iban nga mga lugar sa gwa sang probinsya.Sa karon, ang Bacolod City kag Iloilo City lamang ang nagapahanugot sa pagtabok sang mga pasahero nga wala na kinahanglan sang swab test kag travel authority.Ang mga pasahero nga halin sa Iloilo kag nag...

Police Station 5 photoPatay ang 56 anyos nga si Lory Fernandez matapos mag agum sang mga pilas sang mabunggo sa truck ang iya ginasakyan nga jeep sa Granada-Alangilan Road sa Bacolod, Lunes sang gab-i.Suno kay Police Lieutenant Melchor Tolentino, hepe sang Police Station 5, mismo ang anak ni Fernandez nga si Joshua Araujo amo man naga drive sang jeep.Suno kay Tolentino, posible waay nakita ni Araujo ang truck nga naga parking sa kilid sang dalan amo kun ngaa nag rekta ang jeep kag nag bunggo sa likod sang truck.Nakainom ang driver base sa imbestigasyon sang pulis.Si Fernandez nga naga sakay sa front seat ang nag agum sang pilas sa agtang, dughan, kag kamot nga gintunaan sang iya kamatayon.Pilason man ang asawa kag duha ka anak ni Araujo nga nagasakay naman sa likod....

Ginpahayag ni Bacolod Congressman Greg Gasataya nga ginpahibalo siya sang Department of Labor and Employment Region 6 nga handa na ang ila ahensya sa pagbaton liwat sang mga application para sa mga luyag maka avail sang financial assistance sa idalum sang COVID-19 Adjustment Measures Program ukon CAMP.Ini matapos nga naghatag sang privilege speech si Gasataya sa House of Representatives sang nagligad nga Mayo 20 kun sa diin iya ginpahayag nga may kapin 60,000 ka mga empleyado sa Bacolod kag Negros Occidental ang naka apply na sa idalum sang CAMP pero wala makabaton sang ayuda matapos maubusan sang pondo ang DOLE.Nagpasar man ang mamalidha sang house resolution nga nagapanawagan sa DOLE nga hatagan sang pagtamud ang mga apektado nga establisimiento komersyal nga luyag mag avail sang...

Patay ang 18 anyos nga so Maica Gapan matapos ini aksidente nga mahulog sa bubon sa atubang sang ila balay sa Sitio Balabag, Brgy San Antonio sa Himamaylan City.Naga salod lang sang tubig sa bubon si Gapan alas syete sang aga sang Sabado samtang naga panglaba.Matapos ang pila ka mga inoras natingala na ang iya pamilya nga wala na siya makabalik pyanglaba kag sang ginpangita, ila nakita na lang ang iya tsinelas nga nagalutaw na sa bubon.Sang ila gin pahubsan sang tubig ang bubon, didto nakit-an ang lawas sang biktima.Sa imbestigasyon sang kapulisan, samtang naga sag-ob sang tubig, nadanlog ang biktima kag nahulog sa bubon nga ginabulubanta 15 ka tapak ang kadalumon.Posible nga nalumos ang biktima bangud sa indi man ini kabalo maglangoy suno sa PNP.

Bacolod City Mayor Evelio “Bing” Leonardia ang nagalaum sa gihapon nga ma de-escalate ang status sang siudad sa modified general community quarantine bangud sang pagnubo sang mga kaso sang COVID-19.Nagpagwa sang Sabado (October 31) ang alkalde sang executive order nga nagapalawig sang general community quarantine sa Bacolod tubtub sa Nobyembre 30.Ini matapos nga ginpahayag damlag pa ni Presidente Rodrigo Duterte nga magapabilin ang Bacolod sa GCQ tubtub sa katapusan sang bulan.Ini apesar sang endorsement sang Regional Inter-Agency Task Force sa National IATF sang panawagan sang siudad nga mahimo na ma de-escalate sa MGCQ ang Bacolod.Suno kay Leonardia, wala ginpahanugutan sang Department of Health ang ila ginhinyo nga MGCQ status apesar sang dako nga pagnubo sang mga kaso s...