Shadow

18 anyos nga dalagita patay matapos mahulog sa bubon

Patay ang 18 anyos nga so Maica Gapan matapos ini aksidente nga mahulog sa bubon sa atubang sang ila balay sa Sitio Balabag, Brgy San Antonio sa Himamaylan City.

Naga salod lang sang tubig sa bubon si Gapan alas syete sang aga sang Sabado samtang naga panglaba.

Matapos ang pila ka mga inoras natingala na ang iya pamilya nga wala na siya makabalik pyanglaba kag sang ginpangita, ila nakita na lang ang iya tsinelas nga nagalutaw na sa bubon.

Sang ila gin pahubsan sang tubig ang bubon, didto nakit-an ang lawas sang biktima.

Sa imbestigasyon sang kapulisan, samtang naga sag-ob sang tubig, nadanlog ang biktima kag nahulog sa bubon nga ginabulubanta 15 ka tapak ang kadalumon.

Posible nga nalumos ang biktima bangud sa indi man ini kabalo maglangoy suno sa PNP.

Secured By miniOrangeSecured By miniOrange