Balita Hiligaynon

Isa ka pulis nga personnel sang Cadiz City PNP ang karon naka quarantine bangud san nag positibo ini sa COVID-19.Suno sa PIO sang Negros Occidental Police Provincial Office nga si Police Lieutenant Abegael Donasco, ginpaidalom sa swab test ang pulis bangud sa natalana siya for promotion kag maga tabok kun tani sa Iloilo.Sang nag gwa ang iya resulta sang nag ligad nga semana, ini ang nag positibo sa COVID-19.Gilayon man gindala sa quarantine facility sang siudad ang pulis para mag quarantine.Ginpaidalom man sa swab test ang apat ka personnel sang Cadiz PNP nga close contact sang pulis pero tanan ang negatibo naman sa virus.

PDEA photoArestado sa buybust operation sang PDEA-Special Enforcement Team sini lang nga hapon sa Buri Road sa Bacolod ang kagawad sang Barangay Zone 12-A sa Talisay City nga si Michael Astorga kag duha pa niya ka kaupod.Suno kay Agent Bamboo sang PDEA, tatlo ka semana na nila nga gina monitor ang kagawad nga nagaduso sang iligal nga droga sa siudad sang Bacolod.Upod nga nadakop ang duha niya ka mga upod nga sanday Dino Dimson kag Cris Angelo Abelarde nga nagaduso man sang droga suno sa PDEA.150 gramos ang bug-at sang ginapatihan shabu nga nakuha sa mga suspek.Ini ginabulubanta naga balor sa P1,020,000.Yara karon sa paghinakop sang PDEA ang tatlo ka suspek kag kaso nga pagsupak sa RA 9165 ang ipasaka batuk sa ila.

May siyan na karon ka Local Government Unit sa Negros Oriental ang wala na sang kaso snag COVID-19 matapos nag record sang 19 new recoveries ang probinsya kahapon.Ang mga LGU nga wala na sang active nga COVID-19 case amo ang banwa sang Siaton, Dauin, Pamplona, Manjuyod, Bindoy, Tayasan, Jimalalud, Vallehermoso, kag Canlaon City.Nanaog na sa 98 ang active COVID-19 cases sa Negros Oriental.Ang Dumaguete City amo sa gihapon ang may pinakadamo nga active COVID-19 cases sa probinsya. 36 ang active cases karon sa siudad.Gani sumugod subong nga adlaw gin re-activate naman sang Dumaguete City ang ila nga quarantine control points para mas mapabakod ang pagpatuman sang local health protocols agud malikawan ang pagdamo pa gid sang kaso sang COVID-19 .

Nadugangan sang walo naman ka bag-o nga kaso ang probinsya sang Negros Oriental.Kabahin sa bag-o nga kaso ang isa ka government official nga naga istar sa Dumaguete City.May tig duha ka bag-o nga kaso ang siudad snag Dumaguete, Sibulan, Valencia kag Zamboanguita.May 12 naman ka bag-o nga recoveries ang probinsya.98 karon ang total active cases sang Negros Oriental gikan sa 665 na tanan ka mga kaso.

Binalbagan PNP photoNasapwan nga patay ang 33 anyos nga tractor driver nga si Bryan Lanojan kahapon sang kaagahon sa Barangay San Jose sa banwa sang Binalbagan.May madamo nga buno sa lawas ang bangkay sang biktima.Sandig sa imbestigasyon sang Binalbagan PNP, ang biktima ang nag inom upod sang iya duha man ka kaupod nga naga trabaho sa hacienda Martes sang gab-i.Suno sa pulis, nag away sang amo nga gab-i si Lanojan kag sang suspek nga Elmer Tabuga bangud lang sa natiklod ni Tabuga si Lanojan kag namumo ini samtang naga pangihi sila.Ginpapuli na sang ila sa ka upod si Tabuga kag ang biktima amo na lang ang nabilin nga nagtulog sa ila nga barracks.Pagka aga siya ang nasapwan na lang nga patay.Ang suspek ang suno sa pulis nakita pa pag ka aga sa waiting shed malapit...

Luyag ni Princess Eleine nga isa ka stranded individual nga mahatagan sang paathag ang natabo kag ang pamaagi sang pagsugat sa ila gikan sa Tabuelan, Cebu sang lokal nga panguluhan sang Cauayan.Ini suno sa iya ang rason, nga iya ini gin post ang insidente sa iya nga Facebook account.Makit-an sa litrato kag video ang mga, suno kay Princess Eleine, LSI nga naga ginutok sa likod sang boom truck.Las dose sang udto tubtob la una sang hapon sang Nobyembre 28, yara na sila sa puerto sang Tabuelan, Cebu, sandig man sa abiso sang lokal nga panguluhan sang Cauayan.Las 8 sang gab-i na suno kay Princess Eleine nag-abot ang sugat nga wala nila ginalauman nga boom truck.Las 3 sang kaagahon na sila nag-abot sa puerto sang Escalante, Negros Occidental, suno sa iya.Gikan sa Escalant...

Sa Sagay City, tribal leader sang isa ka grupo sang badjao ang nag positibo sa COVID-19.Suno sa action officer sang Inter-Agency Task Force sang Sagay City nga si Atty. Ryan Bonghanoy, ginpaidalom sa swab test ang 38 ka mga badjao sa lugar angut sa programa sang provincial government nga sila ang pabalikon sa ila nga lugar.Suno kay Bonghanoy, ang tribal leader lamang ang nagpositibo kag gilayon nga na isolate ang iya nga mga direct contact nga mismo ang iya pamilya.Naga negosyante sang alahas ang nag positibo nga tribal leader kag pila sa lugar nga iya nabisita amo ang Bacolod kag Cadiz City.“Frequentq ni sya naga gwa. Kay naga negosyo ni sya alahas. Kalabanan niya gina kadtuan Bacolod kag Cadiz,” suno kag Bonghanoy.

Wala sang dapat kabalak-an ang publiko sa sitwasyon sang COVID sa probinsya.Ini suno kay Provincial Administrator Rayfrando Diaz, matapos malakip ang probinsya sa ginakabig areas of concern sang OCTA Research Team.Nagapabilin sa modified general community quarantine ang Negros Occidental kag ini base sa assessment kag rekomendasyon sang Department of the Interior and Local Government.Suno kay Diaz, kun nag pa gwa man sang pahayag ang OCTA Research group nga nagalakip sang Negros Occidental sa areas of concern, naga pati si Diaz nga ini ang gikan man sa datus nga nabatun sang amo nga research group.Ginsiling sang OCTA Research nga nabalaka sila sa mga lugar nga nakabig areas of concern ukon ayhan high risk bangud sang epekto sini sa ila tagsa ka mga ospital nga maga apekto s...

Nagpagwa sang Executive Order si Valencia Mayor Edgar Teves nga sumugod subong nga adlaw tubtob sa Disyembre 15, ipaidalom sa total lockdown ang bug-os nga banwa sang Valencia sa Negros Oriental bangud sang pagsaka sang kaso sang COVID-19 sa ila.Nadugangan kahapon sang tatlo ang COVID-19 cases sa Valencia nga karon may 9 na ka active cases sang COVID-19.Ginpakamaayo sang alkalde nga ipaidalom sa lockdown ang banwa agud malikawan ang pag saka pa sang kaso.Magapahamtang sang checkpoints ang banwa sa mga entry points kag essential travel lang amo tugutan nga makasulod sa banwa.Limitahan man ang social kag mass gathering pati na ang market kag business operations sa sulod sang duha ma semana nga lockdown.27 tanan ang dugang nga kaso sang COVID-19 sa Negros Oriental kahapon....