Balita Hiligaynon

Sagay PNP photoPatay ang 31 anyos nga si Erwin Yu matapos tiruhon sang riding in tandem kahapon malapit sa Barangay Hall sang Old Sagay sa Sagay City.Sa imbestigasyon sang Sagay PNP, naga sakay sa trisikad ang biktima padulong sa barangay hall sang siya ang gintiro sang backrider sang motor nga naga sunod sa iya.Patay na sang mag abot sa ospital si Yu.Pito ka empty shells sang caliber 45 ang nakuha sa crime scene.Natukiban nga si Yu ang ginluthang man sang riding in tandem sa gwa sang iya nga balay sa banwa sang Toboso sadtong Nobyembre 26 pero siya ang nakaluwas sa naagum nga pilas tuga sang igu sang bala.Gina imbestigaran karon sang PNP ang motibo sa pagpatay sa biktima.

Victorias PNP photoPatay ang duha ka persona nga sakay sa motorsiklo matapos mag bunggo ang ila ginasakyan sa isa ka bus Lunes sang gab-i sa national highway sa Victorias City. Ang biktima amo sanday Earl Sorilla kag iya backrider nga si Richard Christian Casin.Sa imbestigasyon sang Victorias PNP, nag paliko na ang bus nga masulod na kun tani sa terminal ugaling nag diretso pa ang motorsiklo kag nag rekta ini bunggo sa kilid sang bus. Dead on arrival sa ospital sanday Sorilla kag Casin. Na release&nb...

Mga vendors ang amat-amat na nga nagatukod sang ila mga baligyaan sa palibot sang Bacolod City Public Plaza.Ini matapos nga nagpasar na sang resolusyon ang Sangguniang Panlungsod nga nagapahanugot sa mga vendors sa pagbaligya sa palibot sang public plaza para sa sini nga bulan sang paskwa.Ang Christmas bazaar ang ipahamtang sa may dalan Rizal kag Gatuslao samtang ang mga baligyaan naman sang prutas ang ipahamtang sa dalan San Juan kag Gonzaga.Nalakip man sa resolusyon ang paghinyo sa City Legal Office, Bacolod City Police Office, City Engineer’s Office kag Bacolod Traffic Authority Office sa pagmonitor sa mga vendors kag mga bumalakal nga dapat magsunod sa minimum health protocols kag iban pa nga mga rekomendasyon sang Bacolod Emergency Operations Center.Suno kay Executive ...

Ginpahayag ni Bacolod Vice Mayor El Cid Familiaran nga indi matuod ang nagalapata nga impormasyon sa social media nga ipaidalum sa lockdown ang siudad sini nga bulan sang paskwa.Suno sa bise alkalde, wala sang rason nga ipaidalom sa lockdown ang Bacolod bangud padayon ang pagnubo sang mga bag-o nga kaso sini sang COVID-19.Humalin sang nagligad nga semana, wala nagalapaw sa 15 ang bag-o nga kaso sa siudad base sa record sang Department of Health Regional Office.Ginpahayag ni Familiaran nga dapat likawan ang pagpalapta sa social media sangmga fake news bangud nagatuga ini sang kakulba sa pumuluyo.Nagapahanumdum man si Familiaran sa publiko nga magsuksuk gid sang face mask kag face shield kun magwa sa panimalay kag magsunod sa social distancing.Kahapon nagpagwa man sang ma...

Ginpahayag sang PIO sang Negros Occidental Police Provincial Office nga si Police Lieutenant Abegael Donasco nga ila ipatigayon ang random drug test sa bug-os nag kapulisan sa idalom sang NOCPPO.Ini kasunod sa pag positibo sa confirmatory drug test sang isa ka police corporal nga na assign sa NOCPPO.Suno kay Donasco, magluwas sa pag positibo sang isa ka pulis, nadugangan man sang test kits ang NOCPPO gani ang sadto 25% lang nga target nila, karon himuon na nga 100% sang bug-os nga kapulisan.Ongoing na ini sa karon suno kay Donasco kag natapos naman ipaidalom sa drug test ang una na nga 25% sang NOCPPO personnel.Samtang, iya man ginpahayag nga may 15 dias pa ang nag positibo nga pulis para i challenge ang nangin resulta snag drug test kag kun indi niya ini mahimo, maximum pe...

Sa video nga ginapasa pasahan karon sa social media, makit-an ang tuman nga pila sagwa sang isa ka establisimiento commercial sa siudad sang Himamaylan.Nagdagsa ang mga tawo para sa 12.12 sale nga ginsakdag sang Sabado nga adlaw sang amo nga retail store sa nagkalain lain nga mga branches sini.Mabatian ang tingug nga naga abiso sa mga naga pila nga mag isol. Naka mask man pero wala na nasunod pa ang physical distancing.Bangud sang sitwasyon suno kay Himamaylan Mayor Raymund Tongson ginpauntat sang adlaw na ang amo nga sale.May pulis kag task force ang siudad nga nagbantay kag apesar sang sulit sulit nga pahanumdom wala napunggan ang mga tawo rason nga sa pagsapol sa tagdumalahan sang amo nga retail store nagdesisyon nga untaton na lamang.Suno sa alkalde plastado man kun...

Securities and Exchange Commission ang may nagapaandam sa publiko batuk sa pag invest sang ila nga kwarta sa mga grupo nga nagapakilala bilang mga investment firm.Suno sa public information officer sang SEC Bacolod extension office nga si Clyde Linaja-Padilla, may pila na ka mga nagreklamo sa ila nga opisina nga wala nabalik ang ila gin-invest nga kwarta sa nagpakilala sa ila SEC-registered nga mga kumbuyahan.Paathag sang SEC, wala nagakasayuran nga sarang na makabaton sang investment ang isa ka kumbuyahan kun may mapakita sila nga sec registration kundi kinahanglan pa nila nga magkuha sang secondary registration.Gani iya ginapanugyan nga indi anay mag invest sang kwarta sa isa ka kumbuyahan kundi dapat nga i-check ang background sini sa SEC.Sa mga grupo naman nga nagatanya...

Gin kumpirma sang hepe sang Regional Crime Labotary Office 6 nga si Police Colonel Enrique Ancheta nga nag positibo sa drug test ang isa ka police corporal nga na assign sa Negros Occidental Police Provincial Office.Suno kay Ancheta, 5 sila ka mga pulis sang NOCPPO ang ginpaidalom sa drug test bangud sa sila gina suspetsuhan nga naga usar sang iligal nga droga.Sa 5, ang isa ang nag positibo sa preliminary drug test sang nagligad nga Miyerkules.Siya nga ginpaidalom sa confirmatory test suno kay Ancheta kag liwat na naman nga nag positibo sa pag gamit sang iligal nga droga.Siya ang posible nga mapahalin sa serbisyo suno kay Ancheta.Ang NOCPPO ang naga hulat naman sa karon sang memo gikan sa regional crime lab angut sa resulta sang pulis.

Patay ang 54 anyos nga si Rene Caceres matapos ma cardiac arrest kag mag bunggo ang iya motorsiklo sa isa ka salakyan Sabado sang hapon sa dalan Araneta sa Barangay Tangub.Ang napatay ang isa ka rider sang food delivery service company sa Bacolod.Sa imbestigasyon sang Police Station 8, na sideswipe sang motorsiklo nga ginadala ni Caceres ang salakyan gani natumba ang motor kag ang rider.Pero suno sa traffic investigator nga si Police Staff Sargeant CelerIino Arrollado, cardiac arrest ang gin kamatay sang rider.Indi pa nila mapat-od suno kay Arrolado kun bala na cardiac arrest si Caceres amo kun ngaa iya na sideswipe ang salakyan, ukon gin atake ini matapos matumba.Wala man sang injury ang rider suno sa pulis.

Ang pag aspalto sang dalan Lacson sa Bacolod ang ginreklamo sang mga motorista sang weekend.Ginlikawan sang trabahador sang Department of Public Works and Highways nga mabutangan sang aspalto ang ibabaw nga parte sang mga drainage sa dalan Lacson sa Bacolod para indi matabunan ang mga buho sini.Bbilang resulta nag reklamo ang mga motorista nga naga labay diri kay naga balod balod kutob sa mga salakyan nga naga saka panaog sa mga aspalto sa dalan.Kaina sang aga may mga aspalto na ang ibabaw sang mga drainage kag may mga buho man ini para may ma agyan sa gihapon ang tubig pakadto sa tamburong.May mga motorista nga gin post sa social media ang gilayon nga pag aksyon sang DPWH.