Securities and Exchange Commission ang may nagapaandam sa publiko batuk sa pag invest sang ila nga kwarta sa mga grupo nga nagapakilala bilang mga investment firm.
Suno sa public information officer sang SEC Bacolod extension office nga si Clyde Linaja-Padilla, may pila na ka mga nagreklamo sa ila nga opisina nga wala nabalik ang ila gin-invest nga kwarta sa nagpakilala sa ila SEC-registered nga mga kumbuyahan.
Paathag sang SEC, wala nagakasayuran nga sarang na makabaton sang investment ang isa ka kumbuyahan kun may mapakita sila nga sec registration kundi kinahanglan pa nila nga magkuha sang secondary registration.
Gani iya ginapanugyan nga indi anay mag invest sang kwarta sa isa ka kumbuyahan kundi dapat nga i-check ang background sini sa SEC.
Sa mga grupo naman nga nagatanyag sang produkto pinaagi sa multi level marketing, kinahanglan man anay nga i-check sa department of trade and industry kun bala accredited ini nga magsulod sa kasubong nga negosyo.