Wala nagapanukot ang Barangay tangub sa Bacolod sa ano man nga bulig nga gina hatag sini sa pumuluyo nga naga hinyo sang assistance sa pag pa register sa BaCTrac.
Suno kay OIC Punong Barangay Luz Atienza, ang nag gwa sa report nga may isa ka pumuluyo nga ginpabayad sang 35 pesos para sa BaCTrac registration ang indi matuod.
Paathag niya sang nagligad pa nga semana nagpadulong sa barangay ang natungdan. Ugaling wala pa nagsugod sa paghatag assistance ang barangay rason nga gin refer siya sang isa ka barangay staff sa isa ka pribado nga indibidual sa isa man ka purok nga nagsukot sa iya sang printing kag lamination sang ID.
Suno kay Atienza, Martes na nagsugod ang help desk para sa BaCTrac sa Barangay Tangub kay Lunes na naka seminar ang in charge. Bukas ini sa pumuluyo kag libre sunon sa iya.
“Libre ni. Ang amon by purok. Padal-an na lang to sila (representative) ibutang na lang nila ila data. Ipadala diri. I-print sang amon staff na. Kag kadtuon nila human na para bala indi na mag daguso,” suno kay Atienza.