Shadow

Banwa sang Valencia sa Negros Oriental ang ginpaidalom sa duha ka semana nga total lockdown

Nagpagwa sang Executive Order si Valencia Mayor Edgar Teves nga sumugod subong nga adlaw tubtob sa Disyembre 15, ipaidalom sa total lockdown ang bug-os nga banwa sang Valencia sa Negros Oriental bangud sang pagsaka sang kaso sang COVID-19 sa ila.

Nadugangan kahapon sang tatlo ang COVID-19 cases sa Valencia nga karon may 9 na ka active cases sang COVID-19.

Ginpakamaayo sang alkalde nga ipaidalom sa lockdown ang banwa agud malikawan ang pag saka pa sang kaso.

Magapahamtang sang checkpoints ang banwa sa mga entry points kag essential travel lang amo tugutan nga makasulod sa banwa.

Limitahan man ang social kag mass gathering pati na ang market kag business operations sa sulod sang duha ma semana nga lockdown.

27 tanan ang dugang nga kaso sang COVID-19 sa Negros Oriental kahapon. Nagsaka na sa 111 ang total active cases sa probinsya.

Secured By miniOrangeSecured By miniOrange