Nag-abot na sa Bacolod ang bangkay sang kwarenta anyos nga si Shiela Mae Hillares, ang returning overseas Filipino gikan sa Lebanon nga napatay samtang nagapaidalom sa hotel quarantine sa Eurotel Hotel sa Makati City.
Oktubre 13 sang siya ang masapwan sang iya pakaisa, pero natukiban nga Oktubre onse pa siya nagtaliwan bangud sang hemorrhagic stroke.
Ang pamilya ni Shiela Mae ang nagapati nga napabay-an siya, gani sila ang magafile sang reklamu kontra sa Overseas Workers Welfare Administration kag sa mismo tagdumahalan sang hotel.
Ginsiling ni OWWA Regional Director Riza Moldes nga makabig nga isolated incident ang natabo. Pero handa sila nga atubangon ang reklamo sang pamilya.
Ila naman ginatun-an ang mga tikang agud mapaiway ang kasubong nga insidente.
Kabahin si Shiela Mae sa masobra 115 mil na ka mga OFW nga nakapauli sa Western Visayas paagi si repatriation program sang OWWA.
Karon nga may pandemic, ang owwa ang nakahatag man sang bulig paagi sa livelihood assistance para sa shiento onse mil ka mga OFW magluwas sa medical assistance kag financial assistance para sa ila mga naga-eskwela nga kabataan.
May yara man sang insurance benefit para sa mga kasubong ni Shiela Mae.
Pero labaw sa mabaton nga bulig, tuyo sang pamilya ni Shiela Mae nga maangkon ang hustisya para sa iya.
Halin Bacolod pagadal-on ang bangkay ni Shiela Mae sa ila balay sa Barangay San Miguel sa banwa sang Murcia kun diin nagahulat ang iya pamilya, ilabi na ang duha niya ka mga anak nga nabulag sa iya sa sulod man sang masobra walo ka tuig.