Gina usisa sa karon sang Negros Oriental PNP kun bala may foul play sa kamatayon sang isa ka lalaki nga nasapwan na lamang nga patay sa Sitio Toril, Barangay Mabuhay sa Santa Catalina, Negros Oriental sang Domingo nga adlaw.
Ang biktima ang ginkilala kay Roger Balasabas Navales sang Lapu-Lapu City, Cebu.
Base sa inisyal nga imbestigasyon sang PNP, temporaryo nga naga puyo sa Santa Catalina ang biktima kaupod ang iya nga mga himata.
Wala ini sang criminal record.
Bisan pa wala sang may nakita nga pilas sa iya nga lawas sang gina usisa, wala gina dula sang PNP nga posible may foul play sa iya nga kamatayon.
Pero isa sa mga gina lantaw nga posibilidad sang PNP nga ini ang mahimo na-stroke ukon gin heart attack samtang naga pamuhin.
Kun ibase sa position sang bangkay daw kasubong nga naga pamuhin ini kag ang iya nga shorts ang yara na sa iya nga tuhod.
Padayon pa ang imbestigasyon sang pulis.