Mismo ang anak na sang mag-asawa nga Fausto nga gin-patay sa Himamaylan City ang maga tindog nga tagreklamo sa kaso nga murder nga ipasaka batuk sa NPA.
Suno kay Col Leo Pamittan ang Provincial Director sang Negros Occidental PNP, handa na ang tanan kag ang pirma na lamang sang anak sang mag-asawa nga Fausto nga maga tindog complainant ang ginahulat kag tigayon na nga ma file sang pulis ang reklamo sa Prosecutor’s Office.
Indi magnubo sa napulo ang pasakaan sang murder complaint angut sa kamatayon sang mag asawa nga Ben kag Emilda Fausto kag duha nila ka kabataan sadtong June 14 sa Brgy Buenavista sa Himamaylan City suno kay Pamittan.
Ini sila mga high ranking nga rebelde.
Damlag pa gin siling sang Commission on Human Rights sa ila nga moto proprio investigation nga indi na ma locate ang anak sang mga Fausto nga si Emily.
Suno kay Pamittan, yara na ini siya karon sa paghinakop sang security forces.
Manug-apat na kabulan humalin sang natabo ang pagpaniro.
Mahimo madugayan pa gid ang kaso bangud ini ang ipaidalom pa sa case build-up sa idalom sang DOJ Department Circular 20.
Samtang, nag pa gwa naman sang pahayag ang Human Rights Advocates Negros nga isa ka fake news ang gin pahayag sang PNP nga pag-file sang reklamo sang anak sang mga Fausto batuk sa NPA.