Nagdangat na sa 17 ang mga banwa kag siudad sang probinsya nga nag report sang hog deaths.
Sa record sang probinsya may 2,338 ka mga baboy ang nagkalamatay bangud sang nagkalain-lain nga masakit lakip na African Swine Fever.
Ginsiling ni Negros Occidental Governor Eugenio Jose Lacson nga nagdangat sa P24.1 million ang balor sang amo nga kahalitan.
Pero suno kay Lacson kun ipaanggid sa bilog nga hog population sang 17 ka mga lgu nga 90,981 ang 2,338 ka mga nag kalamatay nga baboy 2.57 percent lamang. Mayoriya diri ang tuga sang ASF.
Naga pakita suno sa gobernador nga ang pag lapta sang masakit indi na parehos kadasig sadtong una nga tion nga nag igo ang ASF.
Ang 17 ka mga banwa kag siudad nga nag-record sang hog deaths wala man nagakasayuran nga tanan may ASF cases.
Suno kay Lacson ang banwa sang Isabela, La Castellana kag Binalbagan amo ang mga bag-o nga lgu nga nag-record sang ASF cases.
[sibwp_form id=1]