Overseas Filipino Worker nga naga trabaho sa Saudi Arabia nga gina alegar gina maltrato sang iya nga employer ang tigayon nga naka eskapo kag karon yara na sa embahada sang Pilipinas.
Ang 45 anyos nga babaye ang taga Cebu kag naka pamana sang taga Brgy 8 sa Isabela.
May tatlo sila ka menor de edad nga kabataan.
January 2023 tubtub December 2025 ang iya una nga kontrata sa Riyadh kag isa ka tuig gin extend ang iya nga contract ukon maga tapos sa December 31, 2026.
August 2 siya tigayon nga naka palagyo gikan sa iya nga employer kag karon yara na sa Philippine Embassy sa Riyadh.
Sa post ni Isabela Mayor Miguel Angelo Yulo sang Lunes, personal niya nga naka istorya ang bana sang OFW.
Padayon ang coordination sang LGU sa iya nga pamilya kag sa nag kalain-lain nga ahensya para tigayon na maka pauli sa Pilipinas ang OFW.
Wala pa man sang abiso ang probinsya kun san-o makabalik kag mahimo suno kay Governor Eugenio Jose Lacson nga maka hatag sang financial nga bulig ang probinsya.
[sibwp_form id=1]