Digital Bacuna Card ginlunsar sang Bacolod agud mas mangin mahapos para sa mga fully vaccinated ang pagbyahe karon nga may pandemic.
Mga seafarers kag mga OFW nga fully vaccinated nga natalana magabyahe sa gwa sang pungsod ang una nga hatagan sang prayoridad sang Bacolod Emergency Operations Center para sa ginlunsar nga digital Bacuna Card.
Pwede ma download online ang Bacuna Card nga may QR code kag ma-save gamit ang cellular phone gani mas mahapos ini gamiton sa pagbyahe.
Suno kay Dr. Chris Sorongon, deputy for medical data and analysis sang EOC, ang bacuna card ang sarang man gamiton sang mga fully vaccinated para sa domestic travel kag bisan sa pag-dine in sa mga kalan-an nga nagahatag sang dugang nga pribilihiyo sa mga nabakunahan na.
Ang City Health Office ang magapadayon naman sa pag-issue sang vaccination certificate sa kutob indi pa makakuha sang digital Bacuna Card sa online.
Sa record sang EOC malapit na sa shiento otsenta mil ang fully vaccinated sa Bacolod.
Ginapaabot nga sa bulan sang Disyembre malab ot na sang siudad ang 70 percent herd immunity.