May P7M nga pondo ang gintalana sang Bacolod LGU para sa gamiton sa pagbakal sang bugas nga ibaligya sa tag P20 kada kilo sumugod sa Lunes.
Ginsiling ni Mayor Albee Benitez nga sa Bacolod City Government Center kag sa mga dalagko nga barangay suguran ang pagbaligya sang bugas sandig sa food security emergency program sang Marcos Administration nga ipatuman sa Visayas.
Ginpahayag ni Secretary to the Mayor Atty. Jose Marty Go, ang mga senior citizen, indigent families kag PWD amo lamang ang sarang makabakal sang limitado sa 10 ka kilo sa kada semana nga tag P20 nga bugas.
Ang Food Terminal Incorporated nga isa ka government owned and controlled corporation amo ang magabakal sang tag P33 per kilo nga bugas sa National Food Authority.
Iga-subsidize ini sang Department of Agriculture kag LGU agud mabaligya nila sa LGU sa tag P26.50 per kilo nga ibaligya naman sa tag P20 per kilo.