Councilor Al Victor Espino nagpahayag nga indi sinsero sa iya tinutuyo ang nagapakilala nga transport leader nga nagpamahog sa mga opisyales sang siudad angut sa dinakpanay sang mga wala makakuha sang business permit.
Ginklaro ni Councilor Espino, pamuno sang Committee on Transportation and Traffic nga matapos ang ginapatuman nga Business One-Stop-Shop sa Pebrero 15 sarang mapatuman sang siudad paagi sa City Legal Office enforcement team ang pag panakop sang mga wala maka-secure sang business permit.
Nalakip diri ang katapo sang transport sector nga sarang naman aktohan sang Land Transportation Office kaupod ang Land Transportation Franchising and Regulatory Board.
Para kay Espino ini ang wala mahangpan sang mga naga patalang kasubong na lamang sa nagapakilala lider sang Negros Panay United nga si Warren Gangoso nga namahog pa sa mga opisyales sang siudad.
Ginpahayag ni Gangoso nga nadala lamang siya sa emosyon kabangdanan sang na-post niya nga paandam kontra sa mga opisyales sang siudad angut sa ginaplano nga pagpangsikop sang mga traditional jeepneys nga wala prangkisa kag permit.
Nagsiling naman si BACOD chairman Rudy Catedral nga wala nila ginakilala si Gangoso nga nabase sa Iloilo.
Pero nakahanda na ang ginaplano nila nga pag-untat byahe batuk sa ano man nga plano sa mga naga byahe nga traditional jeepney units sa siudad.