Nakahanda ang Bacolod Emergency Operation Center kag ang provincial government nga mag-administer sang Covid- 19 booster shots para sa mga nabakunahan na.
Pero tubtob karon ila pa ginahulat ang mandu sang Department Of Health antes sugdan ang pagbakuna sang dugang nga dose sang Covid-19 sa mga nabakunahan na nga mga health careworkers kag senior citizens.
Ginalauman ni Governor Eugenio Jose Lacson nga mangin kadungan sini ang pag-abot sang dugang nga Covid- 19 vaccines.
Ginpahayag ni Dr. Chris Sorongon, deputy for medical data and analysis nga amat amat nga naga-diutay na gid man ang mga nagapabakuna sa mga vaccination centers sa mall bangud sang ginapatuman vaccination drive sang siudad.
Yara na sa masobra 54 porsyiento sang masobra 400 mil ang nabakunahan sa Bacolod, masobra 162 mil diri ang fully vaccinated.
Ginalauman sang pamunuan sang eoc nga kun masugdan na ang pagpangbakuna para sa booster shots sarang man magdagsa ang mga magapabakuna sa mga vaccination centers.
Sa gin-aprobahan sang doh nga rekomendasyon halin sa Health Technology Assessment Council ang mga healthcare workers kag senior citizen nga nakumpleto ang pagpabakuna makaligad ang anum ka bulan ang sarang makapabakuna para sa booster shots.