Shadow

Bacolod EOC gindoble ang ila tawo sa One Hospital Command

Bacolod Emergency Operations Center ang nagdoble sang tawo sa ila One Hospital Command Center para masiguro nga indi makulangan sang hospital beds ang mga pasyente nga may COVID-19.

Gin isturyahan kaina sang aga sa meeting sang Bacolod EOC ang pagdugang sang personnel sa one hospital command center sa tunga sang nagasaka nga mga kaso sang COVID-19 sa siudad.

Suno kay Dr. Chris Sorongon sang Bacolod EOC, luyag nila masiguro nga may nagakaigo nga covid-19 beds ang pito ka mga ospital sa siudad ilabi na nga indi lang ang Bacolod kundi pati ang Negros Occidental ang may pagsaka man sang mga kaso.

May pila naman karon ka mga hotels nga gin ayu ang EOC nga magserbi nga dugang nga isolation facilities para sa siudad.

Base sa record sang Bacolod EOC, may yara karon sang 456 active cases ang siudad kag admitted sa ospital ang pila diri sa ila.

Bisan pa nga masobra na sa isa ka semana ang ginpatuman nga travel moratorium sa western visayas, padayon nga nagasaka ang mga kaso sa Bacolod kag Negros Occidental.

Leave a Reply

Your email address will not be published. Required fields are marked *

Secured By miniOrangeSecured By miniOrange