Nag angkon sang negatibo nga mga reaksyon sa social media ang pagpang utod sang mga kahoy sa sidewalk sang daan nga airport sa Bacolod City.
Makit-an nga ginpang utod ang mga dalagko nga puno sang mahogany kag acacia sa sidewalk sa kilid sang highway.
Makit-an sa signage nga yara sa kilid sang dalan nga kabahin ini sang sidewalk improvement program sang Department of Public Works and Highways kag may yara na sang permit gikan sa Department of Environment and Natural Resources ang pagpang utod sang mga kahoy.
35 tanan ka mga kahoy ang nalakip sa cutting permit nga gin issue sang DENR.
Madamo nga mga netizens ang naakig sa social media sa ginhimo nga pagpang utod sang mga kahoy sang DPWH.
Ila ginpahayag nga likawan lang kuntani ang pagpang utod sang mga kahoy sa pagpatigayon sang construction ukon pagpatahum sa sidewalk.