Manugtapos na ang election period sa Hunyo 8. Gani nagapati si acting Election Officer Atty. Revo Sorbito nga tion na para sa tanan ang pag-uliay bisan may pila sa gihapon ang wala nagapati sa resulta sang pinili-ay.
Nagapanindugan si Sorbito nga nagapabilin nga credible ang automated elections.
Pero madamo sa gihapon ilabi na mga nalutos nga kandidato ang indi makabaton sa resulta sang pinili ay.
Nalakip na diri ang pila ka mga katapo sang Grupo Progreso sa pagpanguna ni Mayor Evelio Leonardia nga nagfile sang election protest makaligad nga malutos kay mayor elect Albee Benitez sa mayoralty elections.
Suno kay Sorbito madamo pa sang dapat ulubrahon gani subong ila na gina suguran ang mga pagpanghanda para naman sa barangay elections.