Shadow

Lacson: Wala sang may matabo nga closure of borders

Photo from Bago City Local Vaccination Teams

Ginsugdan na subong nga adlaw ang Provincial Vaccination Days.

Ang Hwebes kag Biernes sa una nga tatlo ka semana sang Hunyo kag ang pinaka ulihi nga Lunes kag Martes sang bulan ang gin talana para sa walo ka adlaw nga Provincial Vaccination Days.

Sa Talisay City, 153 ang nagbakuna para sa first, second kag booster dose.

Wala labot sa lima ka kilo nga bugas para sa mga senior citizen kag dugang nga membership sa Negros Occidental Comprehensive Health Program, ang mga barangay health worker ang ginhatagan man sang financial incentive.

Ini tanan sa tinutuyo nga maduso pa gid ang vaccination program. Suno kay Governor Eugenio Jose Lacson, 25 pesos ang mabaton sang BHW sa kada persona nga maka kumpleto sang duha ka dose sang Covid – 19 vaccine.

Sa May 28 nga report sang DOH, 58.97 percent ang fully vaccinated sa mga senior citizen sa Negros Occidental.

63.61 percent naman ang fully vaccinated sa bilog nga probinsya.

Samtang, ginpahayag sang gobernador nga wala sang may matabo nga border closure bisan pa nga may lima ka Omicron sub-variant nga kaso sa Iloilo City.

Secured By miniOrange