Ginkumpirmar ni Atty. Gerry Llena, pamuno sang LTFRB-NIR, nga natalana nga ipanagtag ang ayuda para sa mga drayber sang jeepney, taxi, kag Transport Network Vehicle Service ukon TNVS sa siudad sang Bacolod sini nga semana.
Nagsugod na ang paghatag sang amo nga ayuda sa Western Visayas. Suno kay Llena, may mga benepisyaryo sa Bacolod ang magabaton sang ayuda paagi sa E-Wallet ukon mga digital applications samtang ang iban nga wala sini ang personal nga pagahatagan.
Ginklaro niya man nga base sa plano sang gobyerno nasyonal, ginapaabot nga 1,500 pesos ang sarang nga mabaton sang mga drayber sang jeep.
Nagapadayon pa ang pag-consolidate sang LTFRB sang listahan sang mga drayber nga kwalipikado sa amo nga ayuda.
Ginsiling naman ni Mayor Greg Gasataya nga masobra 10,000 ka application ang ila ginpasa sa LTFRB-NIR lakip na diri ang unconsolidated nga jeepney drivers.
Nakig-angut na ang LTFRB sa siudad kag sa DSWD agud mapangitaan sang na gakaigo nga lugar ang payout.*
[sibwp_form id=1]