Gin-dismiss sang Office of the Ombudsman ang criminal kag administrative complaints nga ginpasaka batuk sa sanday Bacolod Lone District Representative Alfredo “Albee” Benitez kag mga opisyales sang Bacolod may angut sa pagbakal sang siudad sang porsyon sang Hacienda Conchita sa Barangay Granada.
Sa Joint Resolution nga napetsahan April 14, 2026, gin-dismiss sang Ombudsman ang reklamo nga pagsupak sa Anti-Graft and Corrupt Practices Act bangud sang kakulang sang ebidensya.
Pati ang grave misconduct kag ang gina alegar bayolasyon sang Code of Conduct and Ethical Standards for Public Officials and Employees, ang gin-dismiss man bangud sang kakulang sa ebidensya.
Ang nagpasaka sang reklamo amo si Roger Ledesma nga nagsiling nga agricultural land kag na cover sang Comprehensive Agrarian Reform Law ang propedad kag siyado ka mahal.
Pero wala man sang may nakita nga overpricing ang Ombudsman kay aprubado man ang approved zonal value sang propiedad.
Gina abi abi naman ni Benitez ang nangin desisyon sang ombudsman kag nanindugan nga sa sugod pa lang gin-base sa legal nga proseso ang pagbakal sang siudad sang amo nga propedad.
74.7 hectares ang kalaparon sang duta nga ginbakal sang siudad sadtong October 2023 nga nagabalor P971.8 million.*
[sibwp_form id=1]