Romeo Subaldo

Sa mga naga plano mag out of town ukon mag road trip sini nga semana, may pagsaka sa bili sang produkto petrolyo sa bwas.May dugang nga palas-anon ang mga motorista sini nga semana santa.Base sa announcement sang petroleum companies subong nga adlaw, P2.20 ang igasaka sa bili sang kada litro sang gasolina bwas aga.Sa diesel naman, P1.40 ang igasaka kag P1.30 naman sa kerosene.Ang ini nga saka sa bili sang produkto petrolyo ang kasunod gid lamang sang mixed adjustment sa petroleum prices sang nagligad nga semana.  Ini ang ika duha nga sunod-sunod nga semana sa pagsaka sa bili sang gasolina.

La Castellana may bag-o nga konsehal nga ginbulos sa anay SB member nga nadalahig sa PNP recruitment scam.Nagpanumpa na sa pwesto ang bag-o nga konsehal sang banwa sang La Castellana nga si Kent Yrral Magnabe kay Governor Eugenio Jose Lacson sang kahapon nga adlaw.Suno kay Mayor Rhummyla Nicor-Mangilimutan, si Magnabe ang nagpadalagan sang 2022 election kag ika-siyam sa ranking sa boto para sa mga konsehal. Marso 7, nangin epektibo ang appointment ni Magnabe nga mabulos kay SB Member Donato Natnat Dumaguit nga nadalahig sa PNP recruitment scam sang 2023.Minilyon ka pesos ang involved nga kwarta sa gina alegar iligal nga pagpang recruit sang masulod sa PNP kag wala na nagreport sa trabaho si Dumaguit. Suno kay Mayor Mangilimutan, ang 14 absences sang konsehal ang nangin rason sa...

Sa banwa sang Pontevedra, lalaki nga gina alegar may deperensya sa pamensaron, ginsunog ang balay sang iya utod kag ginbuno ang iya tiyo.Patay ang 85-anyos nga si Nilo Paguntalan matapos ginlampusan kag ginbuno sang iya nga hinablos sa Purok Bougainvilla, Brgy. Antipolo banwa sang Pontevedra, Lunes sang hapon.Ang suspek amo ang iya 36  anyos nga hinablos nga gina alegar may deperensya sa pamensaron.Suno sa kay Police Lieutenant Darryl Kuhutan ang Deputy Chief of Police sang Pontevedra PNP,  wala nakainom sang bulong kag wala masyado nakakaon ang biktima gani gin-atake sang iya nga  balatian.Una niya nga gin tutdan ang balay sang iya nga utod.Ginsaway siya sang iya nga mga himata lakip na si Paguntalan gani iya ini nga ginlampusan sang bato kag ginbuno sang handle sang p...

Lapsag nasapwan sa higad sang dalan sa banwa sang La Castellana.Nasapwan nga ginbilin kag naangut pa ang pusod kag naputos pa sa inunlan ang isa ka lapsag nga lalaki sa Hacienda Angelita, Brgy. Sag-ang banwa sang La Castellana Lunes sang aga.Suno sa kay Police Major Sherwin Fernandez ang Chief of Police sang La Castellana PNP, nagpabalo sa ila ang isa ka tricycle driver nga may nakita siya nga lapsag.Suno sa pulis, gina-alegar nga ginbilin ini sa higad sang dalan sang wala makilala nga persona gani gilayon nila ini nga gindala sa Rural Health Unit apang gindeklarar nga dead on arrival sang doctor ang lapsag.Sa karon ila na gina usisa ang barangay health workers sa lugar kun sin-o nga babaye ang nagabusong sa area kag posible man nga gikan ini sa iban nga lugar.

Duha ka mga menor de edad ang biktima sang pagpangpabuno sang isa ka lalaki nga gina alegar tuman ka hubog sa Barangay Nangka sa Bayawan City Negros Oriental sang Sabado.Hinali na lang nga ginpang atake sang suspek ang 12 kag 13 anyos nga mga solterito gamit ang kutsilyo.Nag angkon sang pilas sa dughan kag likod ang duha ka mga menor de edad gani gilayon sila nga gindala sa ospital samtang ang hubog nga suspek ang gin detain sa PNP.

Duha ka menor de edad patay sang mabunggo ang ila motorsiklo sa naga park nga truck sa banwa sang Ilog. Patay ang magpakaisahanay nga menor de edad sang mabunggo ang ila sini nga gina sakyan nga motor sa naga park nga truck sa higad sang dalan sa Brgy. Tabu, banwa sang Ilog. Suno kay Police Major Joseph Partidas, Chief of Police sang Ilog PNP,  madasig ang dalagan sang motor sang nagrekta ini bunggo sa likod sang truck sa may provincial road sang Brgy. Tabu. Dugang pa sang pulis gikan sa Brgy. Tabu kag idul-ong kuntani sang naga dala sang motor ang iya nga  angkas sa town proper sang madulaan sang kontrol sa motorsiklo ang driver kabangdanan sang ila pagkabunggo truck nga may karga nga tubo. Nadala pa ang mga biktima sa...

[embedyt] https://www.youtube.com/watch?v=CJrIh9NL80c[/embedyt]Reklamo sa mga naga park nga salakyan sa gwa sang Negros Occidental Police Provincial Office ginpalab-ot kay Mayor Albee Benitez. Sa programa nga Isugid Kay Mayor sang Domingo, ginpalab-ot sa alkalde ang reklamo sang mga motorista kun ngaa gina gamit ang pihak kag pihak nga bahin sang Burgos Extension sa gwa sang Negros Occidental Police Provincial Officer sa Bacolod sa pag park sang salakyan. Una, ginsiling sang PNP nga posible mga sibilyan nga mga customer sang kalan-an kag sang car wash ang naga park kay ang mga pulis ang ginsaway na nga indi magpark sa amo nga dalan.Pero sang gintutukan ang lugar sang staff sang programa nakit-an nga naka uniporme p...

Duha ka balay, tatlo ka commercial establishment kag isa ka simbahan nahalitan sang sunog sa Isabela Ang naga ibwal na nga kalayo ang nag pukaw sa mga residente sang Barangay 8 sa banwa sang Isabela pasado las kwatro kaina sang kaagahon.Duha ka mga balay ang totally destoryed, isa ka tiangge kag isa ka beauty parlor ang totally destroyed man samtang partially damaged naman ang isa ka pawnshop kag isa ka simbahan. Suno sa kay FO1 Alfonso Delos Sañes, ang imbestigador sang Isabela BFP, base sa panaysayon sang mga saksi nagsugod ang kalayo sa balay sang pamilya Lima nga madasig naglapta sa mga katupad sini. Wala naman sang may gin-report nga nasamaran sa natabo nga sunog. Padayon pa ang imbestigasyon sang BFP...

Negrense film nga “Under A Piaya Moon” naghakot sang mga awards sa CinePanalo Film Festival. Ang pelikula nga naga pakita sang nanari sari nga mga native delicacy sang Negros ang himo sang Negrense director kag host nga si Kurt Soberano, sa idalom sang Bakunawa Films.  Ini ang pinaka una nga  full length film nga ila nahimo. Ang Under a Piaya Moon ang ginkilala bilang Pinakapanalong Mahabang Pelikula sa nahauna nga  Puregold CinePanalo Film Festival.  Nakuha man sang amo nga pelikula ang Best Film, Responsableng Paglikha ng Pelikula (MTRCB) Special Citation Award,  Best Actor  si Jeff Moses, Best Supporting Actor  si Joel Torre,  Best Cinematography, Best Editing  kag Be...

Naglawig sang malapit sa lima ka oras ang grassfire sa may reclamation area sa bacolod kahapon. Pati downtown sang Bacolod napuno sang aso.Sa may Barangay 8 nagsugod ang grassfire mga las 12:16 sang udto nga naglapta na sa barangay 10 kag 2  kag napalong naman sang mga bombero mga las 4:50 sang hapon.Sa video sang Isugid kay Mayor nga page makita nga indi na malabyan ang dalan sa reclamation kay napuno sang aso.Ang aso gikan sa grassfire ang naglab-ot pa sa SM, sa Manokan kag Plaza sang Bacolod.Pati ang trabaho sang mga personnel sang mga bodega malapit sa area ang apektado man. Nagbiya sila anay sa mga bodega bangud sang madamol nga aso.Suno sa kay City Fire Marshall Chief Fire Inspector Stephen Jardeleza, mga tatlo ka ektariya sang kakugnan ang nasunog. Walo...