Romeo Subaldo

Iduso sang Department of Justice ang deportation halin sa Timor-Leste ni anay Negros Oriental Rep. Arnolfo Teves, Jr.Ginpahayag ni DOJ spokesperson kag Assistant Secretary Mic Clavano, nga ila himuon ang tanan para mabalik na sa pungsod ang anay mamalidha.Si Teves ang ginatudlo nga mastermind sa pagpatay kay Negros Oriental Governor Roel Degamo kag siyam ka iban pa sang Marso 2023.Marso 21 sang maaresto si Teves sang Interpol samtang nagahampang sang golf sa Timor-Leste.

Nagserbe nga alagyan sang isa ka kawatan ang air con vent sang Gaisano mall sa Barangay Palampas, San Carlos City agud makapangawat sa mga stalls.Sabado de Gloria sang aga, nakabaton sang tawag ang San Carlos City Police Station sa natukiban ang pagpangawat sa mall kun sa diin nagdangat sa P450,600 ang balor sang mga ginpangawat nga pagkabutang.Ang mga nadala sa pagpangawat ang ginalakipan sang mga pasalubong items, mga cellphones kag laptops, perfume, mga backpack kag cash.Sa imbestigasyon sang kapulisan, natukiban nga nag-agi sa gina agyan sang hangin sang aircon ang wala pa makilal-an nga suspek.

Patay sanday Geger Dempo kag Rejay Pajaron, matapos gintiro sang tatlo ka mga suspetsado sang Huwebes Santo sa Purok Abaca, Barangay Pinowayan, Don Salvador Benedicto.Suno kay Police Major Hancel Lumandaz, hepe sang Don Salvador Benedicto PNP, suspek sa krimen ang mag-utod nga sanday Regenald Alforque, alias “Mama,” 18-anyos, alias “Nene,” 16-anyos kag si Jomarie Alforque, 26-anyos.Naga gwa sa imbestigasyon sang DSB PNP nga madugay na nga inaway sang duha ka mga pamilya ang ginhalinan sang krimen. Ginpatay si Joseph Alforque utod sang mga suspetsado sadtong Enero 2013.Suno sa iloy sang mga suspek nga Jisa Alforque, suspek sa pagpatay sa iya anak nga si Joseph ang mag-amay kag utod ni Geger Dempo nga si Sonny Boy Dempo kag utod nga si Jerson Dempo nga lunsay mga anay b...

Patay ang 29-anyos nga si Kier John Dela Peña sang maglapaw sa dalan ang iya ginamaneho nga motorsiklo Domingo sang hapon sa Barangay 1-A sa Manapla. Sa imbestigasyon sang Manapla PNP, gikan sa Brgy. Punta Salong ang biktima kag padulong kuntani sa Brgy. Purisima sang maglapaw ang iya nga motor sa naga kurbada nga dalan.Suno sa PNP, madasig ang dalagan sang motorsiklo gani naglapaw ini sa kampo sang tubo. Gindala pa sa hospital ang biktima apang gindeklarar nga dead on arrival.

Cafe kag resort sa Pontevedra nasunog sang Sabado de Gloria.Nasunog ang Eleven Cafe and Beach Resort sa Barangay Miranda, banwa sang Pontevedra sang Sabado sang kaagahon.Gina usisa sang Bureau of Fire Protection - Pontevedra kun ano ang ginhalinan sang kalayo nga nag-ubos tupok sang dako nga parte sang lugar lakip na ang kapehan kag ang mga nipa hut cottages.Ginabulubanta nga nagdangat sa P200,000 ang balor sang halit sang kalayo.Pahayag sang Eleven Cafe and Beach Resort sa ila Facebook page nga sila ang magabalik para serbehan liwat ang mga pumuluyo kag mga bisita sa banwa.Nagahinyo man ang establisiyemento sang donasyon nga mga bayo panglalaki para sa ila mga empleyado.May mga grupo naman nga maga patigayon sang fundraising event para sa liwat nga pagbangon sang i...

Patay ang amay, iloy kag 7-anyos nga bata sa isa ka insidente sang bungguanay sa Sitio Bliss, Barangay Poblacion, Sta. Catalina, Negros Oriental  Domingo sang gab-i.Ang napatay amo si Reneboy Recomono, iya misis nga si Melo Jane Recomono, kag 7 ka tuig nila nga bata.Maswerte nga naluwas ang ila 2 ka tuig nga bata. Mga residente sang Barangay Villareal, Bayawan City Negros Oriental ang mga biktima.Sa imbestigasyon sang PNP, naga dalagan sa highway ang motorsiklo nga gina maneho ni Reneboy Recomono samtang angkas ang iya pamilya.Nagbungguanay sila sang motor naman nga gina dala ni Wargen Tio.  Nagadalagan ang duha sa magkatuhay nga direksyon sang magbungguanay nga nag resulta sa paglabog sang mga biktima sa dalan.Sa kakusog sang impact napatay ang ...

Isa ka insidente sang lab-anay ang gin-report sa nabukid nga area sang Sitio Avocado, Brgy Talalak sa Sta Catalina Negros Oriental kahapon sang aga.Isa ka alias Jonjon ang napatay samtang pilason naman ang iya nga naka engkwentro nga si Jaymar Belandres nga amo ang gina tudlo nga nanglabo gamit ang machete.  Pareho nga residente sang amo nga lugar ang duha.Sa inisyal nga imbestigasyon sang PNP, nag lalisay ang duha bangud lang gid sa lighter nga nag resulta sa kamatayon sang biktima.Padayon pa ang imbestigasyon sang PNP sa sini nga insidente.

Makita sa CCTV video ang isa ka lalaki nga may bitbit nga knapsack nga naga panilag sa naga parki nga tricycle kag motor sa corner sang Magsaysay, Purok Tapulanga, Barangay Taculing sa Bacolod City.  Dugay-dugay napa andar na sang lalaki ang tricycle kag ginpalagyo ini.  Domingo sang aga natabo ang insidente.  Naga panawagan ang tag- iya sang tricycle nga si Gerald Catubigan sa mahimo baligyaan sang sini nga kinawatan nga tricycle nga pwede makig angut lang sa Police Station 6.  Ang tricycle ang ila nga gina gamit sa pag negosyo sang ilimnon nga tubig.

Sa banwa sang Calatrava, duha patay, isa pilason sang mabunggo ang motor sa dump truck.Patay sanday Reymund Cogonon kag Pedro Sabroso samtang pilason naman si Randel Bornea mabunggo ang ila ginasakyan nga motorsiklo sa dump truck sa National Road, Barangay Lemery, banwa sang Calatrava,Sabado sang hapon.Base sa spot report sang Calatrava PNP, gina-usoy sang tatlo ka biktima nga sakay sang motorsiklo ang dalan gikan sa Calatrava padulong sa Toboso, samtang gina-usoy naman sang dump truck ang dalan gikan sa Sitio Dao, Barangay Lemery, Calatrava padulong sa Calatrava Proper.Paglab-ot sa kurbada nga bahin sang dalan, hinali na lamang nakabunggo ang motorsiklo sa goma sa likod sang dump truck.Nag angkon sang malubha nga pilas ang mga sakay sa motorsi...

Gintiro sang wala pa ka nakilala nga mga persona ang drug personality sa Purok Lampirong, Brgy. 2, Bacolod City, Sabado sang gab-i.Suno kay Police Captain Glenn Montaño, hepe sang Police Station 2, ginkilala ang biktima nga si Benjoe San Jose, 26-anyos. Suno kay Montaño, yara sa sulod sang computer shop ang biktima sang ginsulod sang tatlo ka mga lalaki nga naka-bonet  kag gintiro. Duha ka igo sa likod ang naangkon sang biktima nga gintunaan sang iya kamatayon.Gina alegar nga imbulbado man sa kaso sang kinawatay ang biktima.  Bulan sang Enero sang ini siya ang gintiro man pero naka luwas.Suno kay Montaño, may kaso nga alarm and scandal kag theft ang biktima kag isa man ini ka drug personality sa ila nga lugar.