Romeo Subaldo

Nadalahig ang apat ka mga salakyan sa natabo nga karambola sang ma atrasan sang isa ka container truck sa may Totong Dos sa Barangay Felisa sa Bacolod kaina sang udto.Suno sa pahinante sang truck nga nag kambya ang driver nga ginkilala kay alias Arnel apang wala ini magsulod kag nadulaan na sang kontrol ang driver sa truck kag hinali na lamang ini nga nag atras.Isa ka Fortuner, Mirage, Wigo kag wingvan ang naisolan sang truck apang maswerte na lamang kag wala naman sang may nasamaran sa insidente pero temporaryo nga nagtuga sang huol sa traffic ang amo nga bungguanay.

Isa ka Philippine Pit Viper ang nakita ni Marylyn Joy Balbin sa lasang sang Wasay, Barangay Minoyan, banwa sang Murcia.Sa post ni Marylyn sa Facebook gina pahalong niya ang mga naga panglakaton sa kabukiran kag masi-ot ang alagyan nga pwede maka sugata sang man-og.Ang pensar niya anay dahon sang kahoy lang, isa gali ka Philippine Pit Viper Snake.Busog ang man-og sang iya ini nakit-an kag gin kuhaan sang video.Ang Philippine Pit Viper Snake isa sa pinaka venomous nga man-og.Ini ang masami makita sa Bataan, Camiguin, Catanduanes, Leyte, Mindoro, pila ka parte sang Luzon kag Mindanao kag diri sa Negros.Sa mga puno sang kahoy ini masami naga istar kag naga kaon sang paka.Paandam sang DENR indi pagsakiton ang man-og para indi man ini manghalit.

Isa ka stabbing incident ang gin-report sa PNP sa Sitio Tigbao, Barangay Banawe, Pamplona, Negros Oriental. Isa ka 27 anyos ang biktima nga misis.Pakadto pa lang ang pulis sa lugar sang ila na masugat-an ang mga pumuluyo nga bitbit ang bangkay sang biktima nga nabutang sa tela nga nahigot sa kawayan.Suno sa isa ka saksi, nag inaway ang mag-asawa nga nag resulta sa pagbuno sang bana sa iya misis gamit ang patalum. Gilayon naman nagsungka sa punong barangay ang mister kag detained na karon sa Pamplona PNP.

Isa ka grupo sang mga pamatan-on ang na aresto sang PNP sa “Oplan Sita”, matapos makuhaan sang laya nga mga dahon sang marijuana sa Purok Maisan Brgy. Camanjac, Dumaguete City, Negros Oriental sang kagab-i.Suno sa PNP naga patrolya sila sa lugar matapos makabaton sang impormasyon nga may naga panghaboy sang bato sa mga motorista sa amo nga area.Sang gin usisa ang mga pamatan-on nakuhaan sila sang marijuana nga naga bug-at sang 93.69 grams kag naga balor sang P11,200.Gin detain ang mga pamatan-on kag pasakaan sang kaso.

Gin vandalize ang pila ka mga street signages sang Bacolod Traffic Authority Office ukon BTAO sa dalan Lacson kag iban pa nga lugar.Ini ang ginpalab-ot sa Bacolod Traffic Forum nga page sa Facebook.Iban sa sini nga mga traffic signages gin-donate sang mga pribado nga indibidwal.Gani suno sa kay Patrick Lacson, officer-in-charge sang BTAO, magapangayo sila sang bulig sa pulis mara mapatuman ang Anti-Vandalism Ordinance sang siudad.2011 sang gin aprubahan sang Sangguniang Panlungsod sang Bacolod ang ordinansa nga nagadumili sang vandalism kag ini ang gin amyendahan sang 2014 paagi kay anay Konsehal Atty. Jocelle Batapa-Sigue.Sa idalum sang ordinansa, ang violator ang magabayad sang iya gin vandalize nga propiedad, may 3,000 pesos tubtob 5,000 pesos nga penalidad kag pagka preso n...

Pagdumot ang gina lantaw sa karon sang Hinoba-an PNP nga motibo sa pagpatay sa job order employee sang Hinoba-an LGU. Nasapwan si Darrel Cayao sa Purok 5 Brgy. Asia banwa sang Hinoba-an nga patay na sang Lunes.Suno sa kay Police Major Jaynick Bermudez ang Chief of Police sang Hinoba-an PNP, nagaguwa sa ila nga imbestigasyon nga ang pamilya sang biktima imbolbado sa nagluntad nga aksidente kung sa diin gina-alegar nabungguan ang propiedad sang suspek.Dugang pa ni Bermudez, antes matabo ang krimen gikan sa banwa sang Basay sa Negros Oriental ang biktima bangud nga ini ang nagpamiesta.Sang papauli na ang biktima kag pag abot sa Brgy. Sangke ginbalabagan siya kag gin ginlampusan kag ginbuno.Padayon ang imbestigasyon sang PNP sa sini nga

Suno kay PCG Northern Negros Occidental Station Chief Commander Joe Luviz Mercurio nga ipaidalum na sa ‘heightened alert status’ ang tanan nga PCG stations isa ka semana antes sang Holy Week.Dugang pa niya, ginpaidalom sa training ang mga personnel gikan sa nagkalain-lain nga units sa Western Visayas. Magapatigayon man sila sang maritime patrol.Inspeksyonon man ang mga beach resort kun may yara sang lifeguard nga naka-standby agud makaresponde sa oras sang emerhensya.Magapahamtang man sila sang mga PCG personnel agud magbantay sa mga pwerto kag sa mga beach resorts.Sa ulihi nga semana sang Marso ang semana santa gani sumugod sa madason nga semana naka heightened alert na ang Coast Guard.

Wala makaluwas sa pagbunu-buno ang 43 anyos nga job order workersang banwa sang Hinoba-an.Patay si Darrel Cayao, 43-anyos, kag isa ka job order workers sang DRRMO sang Hinoba-an LGU matapos ginlampusan kag ginbuno-buno sa nagkalain-lain nga bahin sang lawas pati nasa dughan sa Barangay Sangke sa banwa sang Hinoba-an.Sa inisyal nga impormasyon naga sakay sa motor ang biktima sang ginbanggaan sang wala makilala nga suspek.Nasapwan na lamang ang iya sini nga bangkay sa may highway sang Sitio Balugo sa Barangay Sangke sang Lunes kag sang gindala sa ospital gindeklarar na ini nga dead on arrival.Si Mayor Daph Reliquias ang naga upod sa pamilya sang biktima sa pagpanawagan para sa hustisya.Nagapadayon ang imbestigasyon sang kapulisan agud makilala ang mga suspetsado kag mahib...

Naga ekis-ekis na ang dalagan sang isa ka 30 anyos nga lalaki sa Brgy Pantao II, Mabinay, Negros Oriental Domingo sang gab-i.Ginpang bungguan niya ang duha ka mga naga sugata sa iya nga motor nga nag resulta sa iya nga kamatayon kag pagka samad sang mga sakay naman sa duha ka motor.Ang driver sang naga ekis-ekis nga motor ang patay na sang mag abot sa ospital samtang ang mga sakay sa ginpangbungguan niya nga mga motor ang gina bulong sa ospital.Hungod nga wala gina hingadlan sang Negros Oriental PNP ang mga suspek kag biktima sa ila nga mga report.

Na-recover sang 79th Infantry Battalion sang Philippine Army ang nagkalain-lain nga mga bala kag armas nga gina-alegar ginapanag-iyahan sang New People’s Army sa Sitio Mocabog, Brgy. Washington, Escalante City sang Lunes.Isa ka sibilyan ang naghatag sang impormasyon  sa army angut sa ginlubong nga mga bala kag armas sa amo nga lugar.Suno sa Philippine army, indi pa nila makumpirma kun ang narekober nga mga bala kag armas ang gingamit sang mga NPA sa nagluntad nga engkwentro sa Sitio Mansulao, Brgy. Pinapugasan sa Escalante sadtong Pebrero 21.