Romeo Subaldo

Arestado ang 35 anyos nga si Joebert Magaporo alias ‘Toto. isa ka High Valued Individual sa Purok Sto. Niño, Brgy Handumanan, Bacolod City pasado la una kaina sang kaagahon, matapos ini makuhaan sang masobra 80 gramo sang suspected shabu.Suno sa PNP, madugay na nila nga gina bantayan ang subject nga gina alegar gina bilinan lang sang supply sang iligal nga droga.Nakuhaan siya sang City Drug Enforcement Unit sang P544,000 nga bili sang iligal nga droga kag pasakaan sang kaso nga paghupot kag pagbaligya sang iligal nga droga.

https://youtu.be/FW-Jp0vDkFc?si=dauSeTqda9UuvSBgGinsirad-an anay ang San Isidro Labrador Parish sa Binalbagan matapos ang natabo nga pagpang buka sang mga rebulto sang santos.Suspek nag ako nga may brutal man siya nga krimen nga nahimo sa Metro Manila.

Patay ang katapo sang New People's Army sa natabo nga engkwentro sa tunga sang katapo sang 62nd Infantry Battalion kag NPA sa Brgy. Quintin Remo sa Moises Padilla kaina sang aga.Suno sa kay Lieutenant Colonel Evelio Ilanga, III, ang acting Commanding Officer sang 62nd IB nakita sa lugar ang lima ka ginapatihan katapo sang rebelde.Nakuha sa sa encounter site ang mga armas, bala, kag pila ka mga pagkabutang nga gina siling iya ka NPA. Wala pa makilala ang napatay.

Motorcycle rider patay matapos mabunggo sa poste sa La Carlota City.Patay ang 47-anyos nga si Winston Janson matapos nga mabunggo ang iya nga motorsiklo sa poste sadalan sang Relocation Paet, Barangay Batuan, sa La Carlota City Miyerkules sang gab-i.Sa inisyal nga imbestigasyon sang La Carlota PNP, nagamaneho sang iya nga motorsiklo ang biktima sa national highway sang hinali nalang siya nadulaan sang kontrol kag naglabog sa natuo nga bahin sang dalan kag nakabunggo sa poste sang kuryente.Nag-angkon sang mga pilas sa lawas ang biktima.Ginhingagaw pa siya dala sa Don Salvador Benedicto Memorial District Hospital apang gindeklarar ini nga dead on arrival.

https://youtu.be/jZYeylDLfXwTricycle gin- arangka pasulod sa simbahan katoliko kaina sang aga samtang naga misa.  Ang drayber nagtaklas sa altar kag ginpang tumba ang mga rebulto sang santos.Suno sa PNP, ang drayber ang pila na ka adlaw nga wala sang tinulogan kag wala sang kinan-an bangud Ramadan.May report si Romeo Subaldo.

Ang Bacolod City nag-suspend sang face to face classes tubtob April 3 sa Preschool tubtob senior high school pero naga depende sa mga private schools nga may airconditioned classrooms kun maga padayon sila sa gihapon sa pag klase.Ang Silay, EB Magalona,Talisay kag Himamaylan, naman nag extend sang suspension sang face to face classes tubtob subong nga Miyerkules. Ang San Carlos kag Murcia naman, nag extend sang suspension sang face to face classes tubtob Abril 5, Biyernes nga adlaw.Karon nga adlaw nagpagwa man sang Executive Order si Governor Manuel Sagarbarria nga naga suspend sang face to face classes subong nga adlaw until further notice.

Ambulansya nga may karga nga pasahero nabunggo sa poste. Ang amo nga ambulansya ang gina panag-iyahan sang Rural Health Unit sang Bacong Negros Oriental. May karga ini nga pasahero sadtong Lunes padulong sa ospital kag isa ka dialysis patient ang karga. Hinali na lang nga naglupok ang goma sang ambulansya nga gina maneho sang 62 anyos nga driver.Suno sa Bacong PNP sang maglupok ang pang ulihi nga goma sang ambulansya, nag rekta ini bunggo sa poste kag nabungguan man ang isa ka simbahan.Wala naman sang may nasamaran sa insidente kag ang pasyente ang ginsaylo sa isa ka salakyan sang LGU sang Bacong kag tigayon nga nadala sa ospital.

Bangud sang tuman ka init nga panahon, schedule sang hinampang para sa Provincial Athletic Meet ang gin idog.  Las sais sang aga naga sugod na ang hinampang para likaw sa init.

May lima ka mga kaso sang pagkalumos ang narecord sa probinsya sang Negros Occidental sa pagsulod sang semana santa.Sa record sang Negros Occidental Police Provincial Office, base sa ila nga natipon nga impormasyon may mga reported nga insidente sang pagkalumos sa siudad sang Cadiz, La Carlota, Kabankalan, Pontevedra kag Moises Padilla.Kalabanan sa mga napatay bangud sang pagkalumos mga menor de edad.Isa na diri ang 11 anyos nga estudyante matapos nalumos sa Bayhao River, Brgy. Camansi sa Kabankalan City sang Domingo sang aga.Suno sa PNP, ang biktima ang isa ka babaye nga bata nga nalumos samtang nagapaligo sa suba kaupod niya ang pakaisa nga pito ka tuig kag ang iya nga amay.Nakalab-ot ang biktima sa madalom nga parte sang suba kag didto siya nalumos.

Duha ka mga gina alegar kawatan sang motor ang arestado matapos makita nga may gina guyod nga motor sa San Jose Street sa Barangay 7 sa Dumaguete City mga las dos sang kaagahon sang Sabado.Gindakop sanday Gaspar Lariosa, 18 anyos kag  Elemar Aligre, 23 anyos.Base sa sport report sang Highway Patrol Group, nakabaton ang ila talatapan sang tawag nga may naga duda nga kinawatan nga mga motor nga gina guyod sang duha. Na corner ang duha sang nag coordinate ang HPG sa PNP sang Dumaguete City.Gin-detain ang mga suspek sa PNP Dumaguete station kag pasakaan sang kaso nga carnapping.