Barbara Mijares

May duha pa gid ka empleyado sang siudad sang Kabankalan ang nag positibo sa COVID-19.Sa 141 nga empleyado nga gin paidalom sa surveillance testing sang nagligad nga semana duha ang nagpositibo.As of December 1, suno sa bag o gin appoint nga pio nga si Jake Carlyne Tugbang, may 26 na ka mga empleyado ang nag positibo sa virus.Sa Hwebes, Disyembre 3, ipaidalom ang last batch sang mga empleyado sa surveillance testing.Suno kay tugbang padayon nga 50 por siento lang sa workforce sang siudad ang naga report sa city hall kag ang nabilin work from home.Gina paabot naman ang executive order ni Mayor Pedro Zayco subong nga adlaw. ini ang nagalakip sang pag kambyo sang curfew hours gikan las 9 sang gab i tubtob las 4 sang kaagahon padulong sa las dies sang gab i tubtob las 3 san...

May 176 na ka mga barangay sa Negros Occidental ang drug cleared sa 601 ka mga barangay sa probinsya.Ini sandig sa datus sang Philippiine Drug Enforcement Agency. Suno kay Board Member Juvy Pepello, may 31 pa ka mga barangay ang inug deliberate pa base sa datus sang PDEA.Suno kay Pepello nga presidente sang Liga ng Barangay sa probinsya, ang mga barangay ang lubos nga naga suporta sa kampanya konta iligal nga droga pero nagapabilin nga pagpanghangkat amo ang kakulba sang pila sa mga pumuluyo sa pag tudlo ukon pag hatag sang impormasyon nga basi mabalikan sila.Samtang, ang kampanya kontra iligal nga droga ang mas ginpasangkad nga nagalakip sang pakontes sa info graphics kag multimedia drug education campaign kun sa diin si Gwyneth Lambot sang Candoni ang nangin madinalag-on. sun...

Siudad sang Sipalay ang wala na sang may na record nga COVID-19 case humalin sang Nobyembre 22.Suno kay Dr Florencio Juplo ang city health officer sang Sipalay City, wala na sang may na record nga bag-o ukon active COVID-19 case sa lugar.Kun may yara man sang nabilin sa ila nga quarantine facility ini sila ang mga bantay sa ospital sang mga pasyente kag ginpakamaayo nga ipa idalom man sa swab test.Pending pa sa karon ang ila nga mga swab test result.Nagapahanumdom ang city health officer sa publiko nga indi mag kumpiyansa kag padayon nga mag sunod sa mga patakaran.Suno kay Dr Juplo, karon nga nagbukas na man sa turismo ang Sipalay maid-id sila sa monitoring ilakip na ang sa health declaration form sang mga naga sinulod. Ang merkado ang ila man nga gina tutukan.

Nag duag pula ang San Sebastian Cathedral kagab-i.Ini may angut sa pagsaulog sang Red Wednesday.Sa Circular Letter ni Bacolod Bishop Patricio Buzon, nga gin pa gwa damlag pa, ginhaylo ang mga simbahan para sa simultaneous Red Wednesday mass kag isa ka ceremonial lighting sa mga simbahan sa duag nga pula.Suno kay Fr. Chris Gonzales ang Social Action Center director, ang Red Wednesday tuigan nga ginapatigayon kag ang tinutuyo sini amo ang pag isa sa gina agyan kag gina antos sang mga gina persecute nga kristiyano.Kag tungod man nga may pandemic karon, gin lakip sa gin tib-ong ang mga frontliner kag kag ang pag-antos sang katawhan bangud sang COVID-19.Dugang man ni Fr. Chris upod pa gid sa gina ampo ang mga na apektuhan sang bagyo.Ang tema karon, “Red Means Love: One C...

May yara sang flights gikan sa probinsya padulong sa Cebu kag pabalik sa bulan sang Disyembre.Ginsiling ni Atty. Rayfrando Diaz, ang provincial administrator nga gin aprobahan ni Gobernador Eugenio Jose Lacson, for humanitarian consideration, ang hinyo sang mga airlines nga maka bihaye sa bulan sang Disyembre.Suno kay Diaz may tig isa ka flight ang kada airline sa tagsa ka semana para sa Bacolod-Cebu-Bacolod flight.Ang Cebu Pacific maga biyahe kada Martes, Miyerkules naman ang Air Asia kag Biyernes ang PAL suno kay Diaz.May moratorium naman nga ginhinyo ang mga frontliner suno kay Diaz para sa December 24 kag 25 kag December 31 kag January 1, 2021.Magapabilin naman ang 2 flights per week sang kada airline para sa Bacolod-Manila-Bacolod trip.Nagakasayuran nga mangin ...

Mga isa ka libo ka mga pamilya nga na apektuhan sang bagyo sa luzon ang maga benepisyo sa donasyon nga natipon sang Philippine Coast Guard kag auxiliary sini.Gin load na sa barko sang Coast Guard ang mga natipon nga donasyon kasubong sang tubig, habol kag iban pa.Suno sa commander sang Coast Guard sa Southern Visayas District nga si Capt. Eduardo De Luna, may natipon man nga donasyon gikan sa Zamboanga, kag upod na ini nga pagadal-on sa mga na apektuhan sang bagyo sa Luzon.Indi mag nubo sa kinse toneladas ang gikan sa natipon sa Zamboanga.Maga halin ang barko sang Coast Guard Sabado sang aga kag maga abot sa destinasyon sini Domingo sang aga.Suno ka De Luna ini ang inisyatibo sang Coast Guard matapos nga makit-an ang sitwasyon sang mga pumuluyo sa Luzon.

Mas paabaskugon pa gid sang Philippine Coast Guard ang seguridad sini ilabi na sa mga puerto.Suno sa commander sang Coast Guard sa Southern Visayas District doblehon nila ang presensya ukon ang visibility sang personnel ilakip na ang K-9 units para mas ma monitor ang pagsulod sang mga kontrabando bisan pa ang mga elemento nga luyag mag pa mentaha.Sa karon may kakulang gid man sa K-9 units ang Philippine Coast Guard Southern Visayas District rason nga nag hinyo na sang bulig gikan sa headquarters.Suno kay Capt. Eduardo De Luna ang commander sang coast guard Southern Visayas District.May ginapaabot nga dugang nga K-9 units kag sang sini lamang, may anum nga nag abot kag ini ang iga assign sa nagkalain lain nga coast guard station.Sa anti-drug campaign isa sa gina lantaw r...

May 14 ka na record sang COVID-19 case sa sulod lamang sang napulo ka adlaw sa Hacienda Sta. Teresa suno kay EB Magalona Mayor Marvin Malacon.Ini ang rason suno sa alkalde sang pagpatuman sang granular lockdown sa lugar sa sulod sang pito ka adlaw, ukon maga depende naman sa mangin resulta sang swab test.Patigayunon man ang mass testing subong nga adlaw. Ang tanan nga pumuluyo ipaidalom sa testing suno sa alkalde.Suno kay Malacon ini ang kabahin sa mga tikang nga ginpatuman para malikawan ang paglapta pa gid sang virus sa banwa.Dugang pa ni Malacon, ang mga pumuluyo, apesar sang sulit sulit nga pahanumdom ang wala nagasunod sang mimimum health protocol kasubong sang pag gamit sang mask.May iban gani naga balhin balhin pa sang lugar.May dialysis patient gani suno kay...