May yara sang flights gikan sa probinsya padulong sa Cebu kag pabalik sa bulan sang Disyembre.
Ginsiling ni Atty. Rayfrando Diaz, ang provincial administrator nga gin aprobahan ni Gobernador Eugenio Jose Lacson, for humanitarian consideration, ang hinyo sang mga airlines nga maka bihaye sa bulan sang Disyembre.
Suno kay Diaz may tig isa ka flight ang kada airline sa tagsa ka semana para sa Bacolod-Cebu-Bacolod flight.
Ang Cebu Pacific maga biyahe kada Martes, Miyerkules naman ang Air Asia kag Biyernes ang PAL suno kay Diaz.
May moratorium naman nga ginhinyo ang mga frontliner suno kay Diaz para sa December 24 kag 25 kag December 31 kag January 1, 2021.
Magapabilin naman ang 2 flights per week sang kada airline para sa Bacolod-Manila-Bacolod trip.
Nagakasayuran nga mangin one flight per day sa gihapon ang Bacolod-Manila-Bacolod flights suno kay Diaz.
Magapabilin nga 199 passenger per flight.
Sa barko naman, limitado sa 150 per day ang kadamuon sang mga pasahero nga maga abot kag dapat tatlo ka adlaw antes sang trip dapat nga napadala ang manifesto para nga mahandaan sang local government units ang pag sugat sa mga naga pina uli.
Kasubong sa gihapon ang protocol suno kay Diaz sa tanan nga maga pinauli.